गुरुवार, 24 सप्टेंबर 2026
नागरिकांच्या आरोग्याचा प्रश्न ऐरणीवर! गढूळ-दूषित पाण्यावरून संताप; राष्ट्रवादी अन् शिंदे शिवसेनेचा प्रशासनाला अल्टिमेटम (फोटो सौजन्य-ChatGPT)
कर्जत: कर्जत तालुक्यातील नेरळ ग्रामपंचायत मधील प्रशासक राजवटीमधील कारभार जनतेच्या आरोग्याच्या मुळावर उठले आहे.गेली काही दिवस नळाद्वारे मिळत असलेले गढूळ आणि दूषित पाण्यामुळे नेरळ ग्रामस्थ संतप्त झाले आहे.दरम्यान या गढूळ आणि दूषित पाण्याबद्दल राष्ट्रवादी काँग्रेस अजित पवार गट आणि शिवसेना शिंदे गट यांच्याकडून आवाज उठवण्यात आला आहे.
ऐन गणेशोत्सव काळात नेरळ गावात नळाला येणारे पाणी दूषित असल्याचे आढळून आले आहे.गेल्या आठवड्यापासून नळाद्वारे थेट चिखलमय आणि दूषित पाणीपुरवठा केला जात आहे.या भोंगळ कारभाराविरोधात संतप्त ग्रामस्थांनी हातात दूषित पाणी घेऊन “हे पाणी प्रशासकांनी स्वतः पिऊन दाखवावे,” असे आव्हान देत प्रशासनाचा तीव्र निषेध केला.सकाळी राष्ट्रवादी काँग्रेस नेरळ मधील पदाधिकारी यांनी प्रशासक सुजित धनगर यांची भेट घेऊन निवेदन दिले.राष्ट्रवादी काँग्रेस अजित पवार पक्षाच्या महिला तालुका अध्यक्ष ॲड रंजना धुळे तसेच शहर अध्यक्ष चव्हाण यांनी निवेदन देत चार दिवसात कारभार सुधारला नाही आणि तर मोठे आंदोलन उभे केले जाईल असा इशारा दिला आहे.
KARJAT : रमेश कदम यांच्या आंदोलनाला यश; कर्जतच्या रस्त्यांवरील खड्डे बुजवण्याचे काम सुरू
दूषित आणि गढूळ पाण्यामुळे त्रस्त असलेल्या जनतेच्या समस्या मांडण्यासाठी शिवसेना शिंदे गटाने नेरळ ग्रामपंचायत मध्ये धडक दिली. पाणी शुद्ध करण्यासाठी आवश्यक असलेले टीसीएल आणि पाणी शुद्धीकरण करण्यासाठी खरेदी केलेले साहित्य यांच्या खरेदीसाठी लाखो रुपये खर्च दाखवूनही प्रत्यक्ष पाणी गढूळ मिळत असल्याने नाराजी व्यक्त केली.अशुद्ध पाण्यामुळे लहान मुले व वृद्ध आजारी पडत आहेत.दुसरीकडे नियमित कर भरूनही नागरिकांच्या आरोग्याशी खेळ सुरू असल्याचा आरोप करत ग्रामस्थांनी प्रशासनाला धारेवर धरले.यावेळी ग्रामपंचायत अधिकारी अरुण कार्ले आणि प्रशासक सुजित धनगर यांनी उद्यापासून स्वच्छ पाणीपुरवठा करण्याचे आश्वासन दिले.यावेळी विशाल साळुंके, सुरेश राणे, वेदिका साळुंके तसेच शिवसेना ठाकरे गटाचे संदीप उतेकर आणि संदेश लाड यांनी देखील गढूळ आणि अशुद्ध पाण्याबद्दल जाब विचारला.
Karjat News: कर्जतमध्ये रस्त्यांच्या खड्ड्यांविरोधात पोलीस मित्र संघटनेचे अनोखे आंदोलन
