कर्जत/ संतोष पेरणे : गेले कित्येक दिवस तालुक्यातील तुंगी गावात राहणारे ग्रामस्थ वीजपुरवठा खंडित झाल्याने त्रस्त होते. आठवडाभरापेक्षा जास्त काळ या गावातील नागरिकांनी वीजेअभावी अनेक समस्य़ांना तोंड दिलं. मात्र आता 11 व्य़ा दिवशी या नागरिकांना दिलासा मिळाला आहे. महावितरण कडून 11 दिवसांनी तुंगी गावाचा वीज पुरवठा सुरळीत झाला आहे. वादळी वाऱ्यासह आलेल्या पावसामध्ये तुंगी गावाला विज पुरवठा करणाऱ्या विजेच्या खांबांवर झाडे कोसळल्याने येथील वीज पुरवठा खंडित आहे.दरम्यान,महावितरणकडून आता वीज पुरवठा करण्यात आला आहे.
कर्जत तालुक्यातील तुंगी हे गाव अंभेरपाडा ग्रामपंचायत मधील दुर्गम भागातील गाव आहे.एका उंच डोंगरावर वसलेल्या या गावात साधारण 70 घरे असून तेथे 2017 मध्ये वीज पोहचली.या मतदारसंघाचे खासदार श्रीरंग बारणे यांनी वन जमिनीचा प्रश्न सोडवून तुंगी गावाला वीज पोहचवणे हे कठीण असलेले काम शक्य झाले.खासदार बारणे यांच्या माध्यमातून तुंगी गावाला डोंगरपाडा येथून वीज पोहचली आणि त्यानंतर खासदार बारणे यांच्याकडून रस्त्याचा प्रयत्न होऊ लागला.त्यानंतर 2019 मध्ये वन जमिनीमध्ये रस्ता तयार करून तुंगी गावाचा जगाशी संपर्क झाला.मात्र त्याच तुंगी गावाला होणारा वीज पुरवठा 20मे पासून खंडित आहे.तालुक्यात अवकाळी पाऊस सुरू होता आणि त्या अवकाळी पावसासोबत आलेल्या वादळी वाऱ्याने तुंगी गावाला वीज पुरवठा करणाऱ्या वाहिन्यांवर झाडे कोसळली होती.मात्र त्या दिवसापासून तुंगी ग्रामस्थ हे वीज नसल्याने अंधारात आहेत.
तुंगी गावाला डोंगरपाडा भागातून वीज जात असून विजेचे खांब हे डोंगरात उभे केले आहेत.त्या मार्गावर कशेळे पासून डोंगरपाडा पर्यंत भरपूर झाडे अवकाळी पावसाने विजेच्या वाहिन्यांवर कोसळली आहेत.ही झाडे वीज पुरवठा खंडित होण्यास कारणीभूत ठरली असून तुंगी गाव गेली 10 दिवस अंधारात आहे.त्याबाबत स्थानिक ग्रामस्थांनी तालुक्याचे महावितरण विभागाचे उपअभियंता कार्यालयाला कळवले,मात्र तरी देखील वीज पुरवठा पूर्ववत झालेला नाही.
आपत्कालीन बैठकीत साधी चर्चा नाही..
कर्जत तालुका आपत्कालीन बैठक सोमवारी आमदार महेंद्र थोरवे यांच्या अध्यक्षतेखाली करत तहसील कार्यालयात झाली.त्या बैठकीत सर्व विभागांचे अधिकारी उपस्थित होते.मात्र तालुक्यातील काही भागातील वीज पुरवठा खंडित झाला आहे याबद्दल साधी चर्चा आपत्कालीन बैठकीत झाली नाही याचे आश्चर्य व्यक्त होत आहे.आमदारांनी तालुक्यातील सर्व खात्याचा आढावा घेतला मात्र तुंगी गावातील ग्रामस्थ अंधारात आहेत याचा आढावा घेतला गेला नाही हे विशेष.
ग्रामस्थांनी घेतला सौर ऊर्जेचा आधार..
तुंगी गावाला 2017 मध्ये वीज पोहचली आणि त्यानंतर त्या गावातील ग्रामस्थांनी दूरचित्रवाहिनी पाहिली.त्या आधी या गावातील प्रत्येक ग्रामस्थांचे घरावर सौर दिवे यांचे सोलर पॅनल असायचे.मागील काही दिवस हे ग्रामस्थ त्याच सोलर पॅनल यांचा उपयोग करीत असून त्यांच्या माध्यमातून गावातील काही घरांमध्ये विजेचे दिवे मिणमिणताना दिसून येत आहेत.
मात्र महावितरण कडून ११ वे दिवशी वीज पुरवठा सुरू करण्यात यश आले.
डॉ धनंजय जाधव.. तहसीलदार
तुंगी गावातील विजेचा प्रश्न आणि रस्त्याचा प्रश्न आम्हाला समजल्यानंतर सार्वजनिक बांधकाम विभाग तसेच महावितरण कंपनी यांच्या उप अभियंता यांना कळविण्यात आले होते.
चंद्रकांत केंद्रे.. उप अभियंता महावितरण
तुंगी गावाला पोहोचणारे वीज वाहिनी यांच्या मार्गात मोठ्या प्रमाणावर झाडे कोसळली आहेत.त्यामुळे मोठ्या प्रमाणावर विजेचे खांब कोसळणे आणि वीज वाहिन्या कोसळण्याच्या घटना घडल्या आहेत.त्यावर काम सर्व भागात सुरू असून आम्ही दुर्गम भागातील तुंगी पर्यंत पोहचून वीज पुरवठा पूर्ववत केला.
.png "Videos"){kind=small}
