‘विघ्नहर्त्या दुष्काळ दूर कर’! अंगारकीला गणपतीपुळ्यात भाविकांचे ‘श्रीं’च्या चरणी साकडे

Ratnagiri: सन २०२६ या वर्षात तब्बल तीन वेळा अंगारकी चतुर्थीचा योग आला असून गणेशभक्तांमध्ये मोठा उत्साह पाहायला मिळत आहे. या विशेष पर्वणीनिमित्त पहाटेपासूनच भाविकांनी मंदिरात हजेरी लावून श्रींच्या चरणी नतमस्तक होण्यास सुरुवात केली.

• गणपतीपुळेत श्रींना भक्तांचे दुष्काळ मुक्तीचे गाऱ्हाणे
• दुष्काळ आणि पितृपंधरवड्याचाही बसला फटका
• भाविकांच्या संख्येत ४० टक्क्यांनी घट

रत्नागिरी: अंगारकी संकष्टी चतुर्थीच्या पावन पर्वावर प्रसिद्ध तीर्थक्षेत्र श्रीक्षेत्र गणपतीपुळे येथे भाविकांनी श्रींच्या दर्शनासाठी मंगळवारी पहाटेपासूनच मोठी गर्दी केली होती. चालू वर्षातील ही तिसरी अंगारकी चतुर्थी असल्याने धार्मिक दृष्टीने या योगाला विशेष महत्त्व प्राप्त झाले होते. परंतु, सध्याची दुष्काळी परिस्थिती आणि सुरू असलेला पितृपंधरवडा या दुहेरी कारणांमुळे नेहमीच्या तुलनेत भाविकांच्या संख्येत ३५ ते ४० टक्के घट झाल्याचे दिसून आले.

सन २०२६ या वर्षात तब्बल तीन वेळा अंगारकी चतुर्थीचा योग आला असून गणेशभक्तांमध्ये मोठा उत्साह पाहायला मिळत आहे. या विशेष पर्वणीनिमित्त पहाटेपासूनच भाविकांनी मंदिरात हजेरी लावून श्रींच्या चरणी नतमस्तक होण्यास सुरुवात केली. राज्यातील सर्व संकटे दूर व्हावीत आणि महाराष्ट्र समृद्ध व संकटमुक्त व्हावा, असे साकड़े अनेक भाविकांनी श्रींच्या चरणी घातले.

Ganpatipule News: अंगारकी चतुर्थीनिमित्त ५० हजारहून अधिक भाविकांनी घेतले ‘श्रीं’चे दर्शन

३९ दर्शनरांगांची आखणी

दर अंगारकीला श्रीक्षेत्र गणपतीपुळे येथे अलोट गर्दी उसळते, मात्र या वेळी भाविकांच्या संख्येत घट नोंदवली गेली. मंदिर देवस्थान प्रशासनाकडून भाविकांसाठी दर्शनाचे चोख नियोजन करण्यात आले होते आणि मंदिर परिसरात तब्बल ३९ दर्शन रांगाची आखणी करण्यात आली होती. चालू वर्षातील तीन अंगारकीचे योग संपल्यानंतर आता पुढील अंगारकी संकष्टी चतुर्थीसाठी भाविकाना काही महिने वाट पहावी लागणार आहे. पुढील अंगारकीचा योग बेट १९ महिन्यांनंतर म्हणजेच २२ जून २०२७ रोजी येणार आहे. त्यामुळे भाविकांना या विशेष पर्वणीसाठी आता पुढच्या वर्षाची प्रतीक्षा करावी लागणार आहे. श्रीच्या दर्शनासाठी आलेल्या भक्तांनी शांततेत आणि शिस्तबद्ध पद्धतीने दर्शन घेत श्रीचे आशीर्वाद घेतले.

महाराष्ट्र सुजलाम् सुफलाम् होऊ दे, ही प्रार्थना
गणपतीपुळे मंदिर देवस्थानचे मुख्य पुजारी अमित धनवटकर यांनी दिलेल्या माहितीनुसार, देवस्थान प्रशासनाने दर्शनासाठी येणाऱ्या भाविकांसाठी सर्वतोपरी सज्जता ठेवली होती. मात्र, सध्याच्या हंगामात अत्यल्प पाऊस झाल्याने उभे ठाकलेले दुष्काळाचे सावट, नुकताच झालेला गणेशोत्सव आणि सध्या सुरू असलेला पितृपंधरवडा या सर्वांचा एकत्रित परिणाम भाविकांच्या उपस्थितीवर जाणवला.

Ganpatipule Temple: पर्यटकांसाठी महत्त्वाची बातमी! कोकणात गणपतीपुळे मंदिरात दर्शनासाठी जाताय? आधी ही बातमी वाचा…

या अंगारकीला भाविकांच्या संख्येत ३५ ते ४० टक्क्यांची घट झाली आहे. ‘बाप्पाला आता एकच साकडे आहे की, पर्जन्यवृष्टी समाधानकारक होऊ दे आणि आपला महाराष्ट्र सुजलाम सुफलाम होऊ दे’, अशी प्रार्थना मुख्य पुजाऱ्यांनी श्रीच्या चरणी केली आहे. निसर्गाच्या अवकृपेमुळे बळीराजा आणि नागरिक संकटात असल्याने मंदिरातही पावसासाठी विशेष प्रार्थना करण्यात आली.