Fire News: खेर्डीत कारखान्याला आग; शॉर्ट सर्किटने आग लागल्याचा प्राथमिक अंदाज, कोट्यवधींचे नुकसान

Fire: फर्निचर तयार करण्यासाठी मालानी यांनी सुमारे ४ कोटी खर्चाच्या १२ मशिनरी परदेशातून आयात केल्या होत्या. घरासाठी वापरण्यात येणारे सर्व प्रकारचे फर्निचर येथे तयार केले जात होते.  नामवंत कंपन्यांचे तयार फर्निचर देखील विक्रीस ठेवले होते.

• खेर्डी एमआयडीसीत कारखान्याला आग
• अग्निशमन दलाचे शर्थीचे प्रयत्न,
• कारखान्याचे कोट्यवधींचे नुकसान

Kherdi Midc Fire/Ratnagiri: चिपळूण शहरानजीकच्या खेर्डी औद्योगिक वसाहतीमधील इम्पेरियल ट्रेडर्स फर्निचर तयार करणाऱ्या कारखान्यास लागलेल्या आगीत संपुर्ण कारखाना जळून खाक झाला. रात्रभर तिन अग्नीशमन बंबाच्या साह्याने आग विझवण्याचे प्रयत्न सुरू होते. गुरूवारी पहाटे पाच वाजता आग आटोक्यात आल्यानंतर पुन्हा काही काळाने पेट घेतला. जवळपास १५ तास आगीवर नियंत्रण मिळवण्याचे प्रयत्न सुरू होते. शॉर्ट सर्किटने आग लागल्याचा प्राथमिक अंदाज असून परदेशातून आयात केलेल्या १२ मशिनरीसह सर्व साहित्य जळून खाक झाले आहे. या आगीत कोट्यवधी रुपयांचे नुकसान झाले आहे. मिळालेल्या माहितीनुसार निहाल मालाणी सोहेल फजलानी यांनी पार्टनरशिपमध्ये खेडर्डी एमआयडीसीत २०२१ मध्ये इम्पेरिअल ट्रेडर्स हा फर्निचर तयार करण्याचा कारखाना सुरू केला होता. ८ ते १० कामगार येथे कार्यरत होते.

३ अग्निशामक बंबांची घेतली मदत
फर्निचर तयार करण्यासाठी मालानी यांनी सुमारे ४ कोटी खर्चाच्या १२ मशिनरी परदेशातून आयात केल्या होत्या. घरासाठी वापरण्यात येणारे सर्व प्रकारचे फर्निचर येथे तयार केले जात होते.  नामवंत कंपन्यांचे तयार फर्निचर देखील विक्रीस ठेवले होते. बुधवारी रात्री ९ वाजण्याच्या सुमारास कंपनी बंद झाल्यानंतर सर्व कामगार निघून केले.

Ganesh Idol Factory Fire: वाई MIDCमध्ये गणेशमूर्ती कारखान्याला भीषण आग; लाखो रुपयांचा माल जळून खाक

साधारणतः ९.३० ते १० वाजण्याच्या सुमारास कंपनीस आग लागल्याची माहिती मालानी-फजलानी यांना मिळाली. तेथून चिपळूण पालिकेसह लोटेतील अग्नीशमक बंबास पाचारण करण्यात आले. बंब येईपर्यंत आग वाढतच गेली. मदत कार्यासाठी लोक मोठ्या प्रमाणात जमले होते. मात्र, कंपनीच्या दोन्ही बाजूस बांधकामे असल्याने मदत कार्यास अडचणी येत होत्या. ३ अग्नीशमक बंबाच्या साहाय्याने आगीवर नियंत्रण मिळवण्याचे शर्थीचे प्रयत्न सुरू होते. रात्री एक वाजता आग आटोक्यात आली. परंतू कंपनीत लाकडाचे साहित्य अधिक आणि भसा जास्त असल्याने आग पन्हा पन्हा धमसत होती.

लोखंडी साहित्य वगळता कंपनीत काहीच शिल्लक राहिले नाही
गुरूवारी पहाटे ५ पर्यंत बंबाच्या साह्याने आग विझवण्याचे प्रयत्न सुरू होते. मात्र, सकाळी साडेनऊच्या दरम्यान पुन्हा आग भडकली. अर्धवट जळालेले साहित्य पुन्हा जळत होते. साडेदहाच्या सुमारास चिपळूण पालिका आणि लोटेतील अग्नीशमक बंबाच्या साह्याने आग आटोक्यात आणण्यात आली. ५ वर्षापूर्वी ही फर्निचर कंपनी सुरू झाली. कंपनी इमारतीच्या शेडसाठी हेव्ही लोखंडी चिम टाकण्यात आले होते. मात्र, आगीच्या तडाक्यात हे बिम देखील गरम होऊन वाकले होते. लोखंडी साहित्य वगळता कंपनीत काहीच शिल्लक राहिले नव्हते.

‘जिगरबाज ड्रायव्हर!’ निवासी भागात ट्रकला लागली भीषण आग; स्वतःचा जीव धोक्यात घालून रोखला अनर्थ; Video Viral