महिला ठरवणार भावी नगराध्यक्ष (फोटो- सोशल मिडिया)
पुरुषांपेक्षा महिला मतदार अधिक
८,१४३ मतदार बजावणार हक्क
१० प्रभागांतील अंतिम मतदारयादी जाहीर
राजापूर: नगरपालिकेच्या निवडणुकीसाठी प्रशासनाकडून राजापूर पालिकेच्या दहा प्रभागातील अंतिम मतदार यादी प्रसिद्ध करण्यात आली आहे. या निवडणुकीत एकूण ८ हजार १४३ इतके मतदार मतदानाचा हक्क बजावणार आहे. यामध्ये ४ हजार २१९ महिला मतदार तर ३ हजार ९२४ पुरुष मतदारांचा समावेश आहे. त्यामुळे शहरात प्रभागातील महिला मतदारांची संख्याच लोकनियुक्त नगराध्यक्ष व प्रभागांतील नगरसेवक ठरवणार आहेत. तब्बल ४ वर्षे लांबलेली नगर पालिकेची सार्वत्रिक निवडणूक होऊ घातली आहे.
१० प्रभागांतील अंतिम मतदारयादी जाहीर
प्रभाग रचना, नगराध्यक्षपदाची आरक्षण सोडत, प्रभागांचे आरक्षण सोडत, प्रभागांचे आरक्षण यानंतर आता अंतिम मतदार यादी प्रसिद्ध झाली आहे. ३१ ऑक्टोबर रोजी दहा प्रभागातील मतदारांची अंतिम मतदार यादी प्रसिद्ध करण्यात आली आहे. या निवडणुकीत एकूण ८ हजार १४३ इतके मतदार मतदानाचा हक्क बजावणार आहेत. यामध्ये ४ हजार २१९ महिला मतदार तर ३ हजार ९२४ इतके पुरुष मतदार आहेत. यामध्ये सर्वाधिक म्हणजे १ हजार ६० इतके मतदार हे प्रभाग क्र. ६ मध्ये, सर्वात कमी मतदार प्रभाग क्र. ३ मध्ये ५९६ इतके आहेत.
Maharashtra Politics: कोकणातल्या ‘या’ नगरपंचायतीसाठी कांटे की टक्कर! MVA विरुद्ध महायुती भिडणार
प्रभाग १ ते ३ मधील मतदारांची संख्या अशी
तर प्रभाग १ मध्ये एकूण ९०० मतदार असून ४३८ पुरुष मतदार, तर ४६२ महिला मतदार आहेत. प्रभाग २ मध्ये एकूण ७५५ मतदार असून, ३६२ पुरुष, तर ३९३ महिला आहेत, प्रभाग ३ मध्ये सर्वांत कमी म्हणजेच एकूण ५९६ मतदार आहेत. यामध्ये २८९ पुरुष, तर ३०७ महिला मतदारांचा समावेश आहे. प्रभाग ४ मध्ये एकूण ७५६ मतदार असून, यामध्ये ३६८ पुरुष तर ३८८ महिला मतदार आहेत. प्रभाग ५ मध्ये असलेल्या ७५९ मतदारांपैकी ३६७ पुरुष, तर ३९२ महिला मतदार आहेत.
प्रभाग ७ ते १० मधील मतदारांची संख्या
प्रभाग ७ मध्ये ९२६ इतके मतदार आहेत. यात ४४३ पुरुष, तर ४८३ महिला मतदार आहेत. प्रभाग ८ मध्ये ६८३ मतदारांमध्ये ३४५ पुरुष, तर ३३८ महिला मतदार आहेत. प्रभाग ९ मध्ये ९२३ मतदार असून, यात ४५२ पुरुष आणि ४७१ महिला मतदार आहेत. प्रभाग १० मध्ये एकूण ७८५ मतदार असून, यामध्ये ३७४ पुरुष, तर ४११ महिला मतदारांचा समावेश आहे.
Ans: 2 डिसेंबरला मतदान होणार असून 3 तारखेला निकाल जाहीर होणार आहेत.
