तळेगाव दाभाडे : चांदखेड गावच्या विकासासाठी सदैव कटिबद्ध राहणार, असे आश्वासन माजी मंत्री बाळा भेगडे यांनी चांदखेडच्या नूतन सरपंच आणि ग्रामपंचायत सदस्यांना दिले.
चांदखेडच्या नवनियुक्त सरपंच मीना माळी यांनी भेगडे यांची नुकतीच भेट घेतली. त्यावेळी उभयतांमध्ये चांदखेड गावातील विविध विकासकामांबाबत चर्चा झाली. त्यावेळी भेगडे बोलत होते. यावेळी सरपंच माळी आणि ग्रामपंचायतच्या सर्व सदस्यांचा माजी मंत्री भेगडे यांनी शाल श्रीफळ देऊन सत्कार केला.
सरपंच, सदस्यांचे अभिनंदन
मावळ तालुक्यातील नुकत्याच झालेल्या चांदखेड ग्रामपंचायत निवडणुकीत संत रामजीबाबा पॅनलचा विजय झाला. तर मीना माळी यांची थेट जनतेतून सरपंचपदी भरघोस मताने निवड झाल्याबद्दल भेगडे यांनी त्याचे व सर्व विजयी सदस्यांचे अभिनंदन केले. तसेच राज्यामध्ये आपल्या विचाराचे सरकार असल्याने विकास कामांना प्राधान्य देऊ, असे आश्वासन दिले.
