Sangli News: सांगलीच्या ‘माडग्याळ’ मेंढीला राष्ट्रीय मान्यता; देशी मेंढीची स्वतंत्र जात म्हणून नोंद
संशोधन आणि शुद्ध पैदास करण्यासाठी मार्ग झाला मोकळा
७ ऑगस्ट २०२६ रोजी झालेल्या आयसीएआरच्या १४ व्या ब्रीड रजिस्ट्रेशन कमिटीच्या बैठकीत माडग्याळ मेंढीला स्वतंत्र देशी जात म्हणून मान्यता देण्याच्या प्रस्तावाला मंजुरी देण्यात आली. त्यानंतर संचालक डॉ. एन. एच. मोहन यांनी १८ ऑगस्ट रोजी महाराष्ट्राच्या पशुसंवर्धन आयुक्तांना याबाबतचे अधिकृत पत्र पाठविले. जत तालुक्यातील सिद्धनाथ खोरे, माडग्याळ परिसरासह आटपाडी तसेच कवठेमहांकाळ तालुक्याच्या काही भागांत वर्षानुवर्षं माडग्याळ मेढीचे पालन केले जाते. या मेंढीला स्वतंत्र जात म्हणून राष्ट्रीय मान्यता मिळाल्याने तिचे शास्त्रीय पद्धतीने संवर्धन, संशोधन आणि शुद्ध पैदास करण्याचा मार्ग मोकळा झाला आहे. जिल्हा उपायुक्त डॉ. अजयनाथ थोरे यांनी या मान्यतेचे स्वागत केले.
Raigad News: महाडमध्ये SIR चा पहिला टप्पा पूर्ण; 45 हजार 463 मतदारांची गणना पत्रे अद्याप गायब
शास्त्रीय संवर्धनाला चालना मिळण्यास मदत
राष्ट्रीय स्तरावर स्वतंत्र जात म्हणून नोंद झाल्यामुळे माडग्याळ मेंढीचे आनुवंशिक संवर्धन आणि शुद्धता राखण्यासाठी शास्त्रीय पद्धतीने उपाययोजना करता येणार आहेत. संकरित पैदासीमुळे मूळ जातीची वैशिष्ट्ये नष्ट होण्याचा धोका कमी होण्यास मदत होणार आहे. तसेच केंद्र व राज्य शासनाच्या माध्यमातून माडग्याळ मेढीच्या पैदास, संशोधन आणि मेंढीपालकांच्या विकासासाठी विविध योजना व निधी उपलब्ध होण्याचा मार्ग सुकर होणार आहे. राष्ट्रीय मान्यतेमुळे माडग्याळ मेढी व बोकडांना स्वतंत्र ओळख आणि बाजारमूल्य मिळण्याची शक्यता असून त्याचा थेट फायदा स्थानिक मेंढीपालकांना होऊ शकतो.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
.png "Videos"){kind=small}
