म्हसवड पालिका प्रशासनाविरोधात सफाई कर्मचाऱ्यांचे आमरण उपोषण सुरु
म्हसवड : म्हसवड नगरपरिषदेच्या सफाई कर्मचाऱ्यांनी पालिकेचे आरोग्य निरीक्षक आपल्याला घरगड्याप्रमाणे वागणूक देऊन लज्जास्पद बोलत आहेत, त्यांच्याबद्दल वारंवार तक्रारी करुनही मुख्याधिकारी त्यांच्यावर कोणतीही कारवाई करत नाहीत. उलट त्यांच्या पाठीशी ठामपणे राहून कर्मचाऱ्यांवरच अन्याय करत असल्याचा आरोप या सफाई कर्मचाऱ्यांनी केला. या सर्वांनी पालिकेच्या समोरच प्रशासनाच्या विरोधात आमरण उपोषण सुरु केले आहे.
सफाई कर्मचाऱ्यांनी सुरु केलेल्या या उपोषणाला महाराष्ट्र जननिकास माथाडी ट्रान्सपोर्ट आणि जनरल कामगार युनियनचे सचिव किशोर धुमाळ, म्हसवडचे माजी उपनगराध्यक्ष कुमार सरतापे यांनी पाठिंबा देत प्रत्यक्ष या आंदोलनात सहभागी झाले आहेत. म्हसवड पालिकेत २१ कायम सफाई कर्मचारी कार्यरत आहेत. यापैकी ५ कर्मचाऱ्यांनी हे आंदोलन सुरु केले असून, यामध्ये नितीन सरतापे, लैला गजानन सरतापे, निता सुनील चव्हाण, कल्पना सुधीर चव्हाण व अर्चना विनोद सरतापे आदीजण सहभागी झाले आहेत.
दरम्यान, पालिकेचे मुख्याधिकारी डॉ. सचिन माने यांना सदर आंदोलनाबाबत विचारणा केली असता त्यांनी सांगितले की, सदर कर्मचाऱ्यांनी यापूर्वी केलेल्या तक्रारीनुसार कर्मचाऱ्यांना रोटेशननुसार काम दिले जात आहे, तर आरोग्य निरीक्षक यांच्याकडे त्यांचा थेट संबंध ही येत नाही. यामध्ये मुकादम आता मध्ये आहे. त्यामुळे कर्मचाऱ्यांनी बिनबुडाचे आरोप करुन पालिकेची बदनामी करु नये, त्यांनी मागणी केल्यानुसार पालिकेने विषाखा समितीकडूनही संबधित आरोग्य निरीक्षकाची चौकशी केली असून, त्या समितीनेही आरोग्य निरीक्षक यामध्ये निर्दोष असल्याचा अहवाल पालिकेला सादर केला आहे.
तासगावातही उपोषण
दुसरीकडे, काही दिवसांपूर्वी बलगवडे (ता. तासगाव) येथील ग्रामस्थांनी गायरान गट क्रमांक 180 आणि 182 मधील सुरू असलेली मोठ्या प्रमाणातील वृक्षतोड तात्काळ थांबवावी आणि प्रस्तावित सोलार प्रकल्प कायमस्वरूपी रद्द करावा, या मागण्यांसाठी ग्रामपंचायत कार्यालयासमोर आमरण उपोषणाला बसणार आहेत.
हेदेखील वाचा : “मी माझा जीव देईन पण झाडे तोडू देणार नाही…”,नाशिकच्या तपोवनातील झाडे तोडण्याविरुद्ध सयाजी शिंदे यांची आक्रमक भूमिका
.png "Videos"){kind=small}
