शिवसेना पक्ष फुटल्यानंतर ठाकरे गट आणि शिंदे गटाकडून अनेक आरोप प्रत्यारोप सध्या सुरु आहेत. ठाकरे गटाचे खासदार संजय राऊत (Sanjay Raut) यांनी आज श्रीकांत शिंदे (Shrikant Shinde) यांच्यावर निशाणा साधला आहे. मिंधेसरकारचे बाळराजे आहेत, त्यांना लिहिता वाचता येतं ना, असे म्हणत संजय राऊत यांनी श्रीकांत शिंदेंवर निशाणा साधला आहे. श्रीकांत शिंदे यांनी संजय राऊत यांच्यावर केलेल्या टीकेला प्रतिउत्तर देत राऊत म्हणाले, ते नक्की सुशिक्षित आहेत का, बाळराजेंना लिहिता वाचता येतं ना, ते हाड वैद्य आहेत, त्यांनी कधी माणसांची की जनावरांची हाड तपासली, ते पाहा. मला जेव्हा न्यायालयाने सोडलं, तेव्हा जे निकाल पत्र दिलं आहे, ते त्यांनी वाचायला पाहिजे, मग कोण कसे घोटाळे करतात आणि राजकीय दृष्टिकोनाने कसं कोणाला अडकवलं जातं,हे बाळराजेंना समजेल, असे म्हणत संजय राऊत यांनी श्रीकांत शिंदेंवर टीका केली आहे.
१०० कोटीची अडीच वर्षांत उधळणी केली
मागील काही वर्षांपासून श्रीकांत शिंदे फाउंडेशनकडून ५०० ते ६०० कोटी रुपये गोळा करण्यात आले, त्याबद्दल त्यांनी सांगावं. दहा वर्षांमध्ये मुख्यता अडीच वर्षात जी काही उधळपट्टी केली, ती सर्व १०० कोटीच्या वर आहे. सातपुते यांनी याची तक्रार केली होती, त्यावर आपण काही बोलात नाही, असा प्रश्न संजय राऊत यांनी उपस्थित केला आहे. हसायचं की रडायचं, पत्राचाळ आरोपी आता पत्र लिहायला लागलं आहेत, असे म्हणत श्रीकांत शिंदे यांनी संजय राऊतांवर टीका केली होती.
नरेंद्र मोदी यांची हवा तुम्हाला देखील लागली आहे.इधर-उधर की बात करो. तुम्हाला हे पैसे कोणी दिले, त्या देणगीदारांची नावे जर तुम्ही देणार नसाल तर, आम्ही देऊ तसेच त्याबदल्यात सरकारने त्यांची कोणती कामे केली एक नंबर आणि दोन नंबरची. त्यांनी खाजवायला माणसं ठेवली आहेत त्यांनी खाजवत बसावे, असे म्हणत संजय राऊत यांनी शिंदेंवर निशाणा साधला आहे.
विशाल पाटील यांच्या उमेदवारीवर संजय राऊतांची प्रतिक्रिया
अपक्ष उमेदवार विशाल पाटील यांच्यावर प्रतिक्रिया देताना संजय राऊत म्हणाले, लोकशाहीमध्ये या देशात कोणीही निवडणूक लढू शकतो. विशाल पाटील हे काँग्रेसचे कार्यकर्ते आहेत. वसंतदादा पाटील यांचे नातू आहेत, ज्यांनी कधीच काँग्रेसशी कधीच बेईमानी केली नव्हती, उमेदवारी हा वेगळा विषय आहे. काँग्रेसची जी परंपरा आहे, ती तोडून ते वेगळी कोणतीच भूमिका घेणार नाहीत असे आम्हाला वाटतं. विशाल पाटील हे चांगले कार्यकर्ते आहेत. नक्कीच आम्ही पुन्हा त्यांच्याशी संवाद साधण्याचा प्रयत्न करू शकता, असे संजय राऊत म्हणाले.
.png "Videos"){kind=small}
