Satara News : गणपती बाप्पा मोरया”च्या जयघोषात घरगुती गणेशमूर्तींचे आगमन; सोमवारी दुपारपर्यंत घरोघरी प्रतिष्ठापना

Satara News : रविवारी मोरयाच्या गजरात घरगुती गणेशमूर्तींचे आगमन झाले, सोमवारी पावणेदोनपर्यंत प्रतिष्ठापना मुहूर्त आहे. मोती चौक, राजवाडा, पोवई नाका परिसरात 21 पत्री व 200 ते 800 रु. किलो दराने फुलांची मोठी खरेदी झाली. सार्वजनिक मंडळांच्या मूर्ती आधीच मंडपात दाखल झाल्या आहेत .

• मोरयाच्या जयघोषात घरगुती गणेशमूर्तींचे आगमन
• पूजासाहित्य व फुलांसाठी बाजारात गर्दी
• खरेदीमुळे शहरात वाहतूक कोंडी, मांगल्यमय वातावरण

Satara News : गणपती बाप्पा मोरयाच्या जयघोषात सातारकरांनी रविवारी घरगुती गणेशमूर्ती मोठ्या उत्साहात घरी आणल्या. सोमवारी दुपारी 1:52 पर्यंत प्रतिष्ठापनेचा मुहूर्त असल्याने शहरात पूजासाहित्य व फुलांसाठी मोठी गर्दी झाली. खरेदीमुळे प्रमुख रस्त्यांवर वाहतूक कोंडी होऊनही शाहू नगरीत मांगल्यमय वातावरण निर्माण झाले आहे.

मोरयाच्या जयघोषात घरगुती गणेशमूर्तींचे आगमन

गणपती बाप्पा मोरया, मंगलमूर्ती मोरया..च्या जयघोषात आज रविवारी च अनेक गणेश भक्तांनी गणेश चतुर्थी निमित्त घरोघरी प्रतिष्ठापना केल्या जाणाऱ्या गणेश मुर्ती मोठ्या उत्साहात आणि मोरयाच्या जयघोषात घरी आणल्या . सोमवारी दुपारी या गणेशाचा मुहूर्त प्रतिष्ठित स्थापनेसाठी दुपारी एक वाजून 52 मिनिटांपर्यंत आहे.

अनेक सार्वजनिक गणेश मंडळा नी आपल्या मंडळाच्या गणेश मूर्ती मागील आठवड्यापासूनच वाजत गाजत मंडपामध्ये आणून प्रतिष्ठित प्रतिष्ठापना करण्यासाठी आणून ठेवलेले आहेत.त्यामुळे अनेक रस्त्यात मंडपाचे काम अपूर्ण असतानाही या मूर्ती पडदा आणि कापड टाकून झाकून ठेवण्यात आलेल्या आहेत.

सोमवारी सकाळपासून दुपारी पावणेदोन पर्यंत घरगुती गणेश मूर्ती प्रतिष्ठापनेचा मुहूर्त सांगितल्यामुळे उद्या सकाळी लवकरच या गणेश मुर्ती घरोघरी आरत्या आणि स्तोत्रांच्या जयघोषात प्रतिष्ठापना केल्या जाणार आहेत .

GSB Ganpati: पूजाविधीसाठी विशेष ख्याती, 5 दिवसात होणार 1,00,000 पेक्षा अधिक पूजा आणि सेवा

पूजासाहित्य व फुलांसाठी बाजारात गर्दी

गणेश भक्तांचा खरेदीसाठीही उत्साह मोठा दिसून येत होता. सातारा शहरातील मोती चौक, राजवाडा ,पोवई नाका परिसरात गणेश पूजेसाठी लागणाऱ्या विविध वस्तू तसेच गणेशाला आवडणारी विविध पत्री, कमळे, केवडा, दूर्वा याचबरोबर 21पत्रींमध्ये बेल, तुळस ,आघाडा ,माका, विष्णुकांत ,शमी यासारख्या पत्रीचीही खरेदी करण्यासाठी ग्राहकांची गर्दी झाली होती.

सणवार म्हटले की फुलांच्या जणांना मोठा भाव येतो ,त्यामुळे सातारा शहरातील अनेक फुलविक्रेत्यांकडे फुलांचे पूजेसाठी हार तसेच केवडा, गुलाब ,शेवंती यासारख्या फुलांना मोठी मागणी होती .दोनशे रुपये ते आठशे रुपये किलो दराने ही फुले मोठ्या प्रमाणात विक्री होत होती.

Ganesh Chaturthi: महाराष्ट्रापुरतीच नाही, देशातील या ८ राज्यांमध्येही गणेश चतुर्थीची धूम; जाणून घ्या कुठे कसा साजरा होतो उत्सव

खरेदीमुळे शहरात वाहतूक कोंडी, मांगल्यमय वातावरण

शहरातील प्रमुख रस्त्यांवर खरेदीसाठी बाहेर पडलेल्या सातारकरांमुळे वाहतूक कोंडीचा प्रत्यय वारंवार दिसून येत होता. वाहतूक शाखेचे पोलीस कर्मचारी तसेच स्वयंसेवकही ही वाहतूक सुरळीत करण्यासाठी आटोकाठ प्रयत्न करताना दिसत होते. मात्र वारंवार वाहतूक कोंडीमुळे वाहन चालकांना अक्षरशा मुख्य रस्ते सोडून छोट्या मार्गाचा तसेच बोळातूनच इकडून तिकडे जाण्याचा प्रसंग येत होता.

एकंदरीतच दरवर्षी गणेशोत्सव हा मोठा अल्हाददायक आणि उत्साहवर्धक असा हा उत्सव असल्यामुळे सातारा शहरात ऐतिहासिक अशा शाहू नगरीत एक वेगळेच मांगल्यमय वातावरण दिसून येत आहे .