Satara News : बॅडमिंटनप्रेमींसाठी पर्वणी; वाईची क्रीडा परंपरा अधिक समृद्ध करणारी जिल्हास्तरीय बॅडमिंटन स्पर्धा

Satara News : वाई जिमखाना आणि किसन वीर महाविद्यालय यांच्या संयुक्त विद्यमाने जिल्हा बॅडमिंटन असोसिएशनची अधिकृत मान्यता प्राप्त आयोजित करण्यात आलेल्या प्रतापराव (भाऊ) भोसले स्मृती जिल्हास्तरीय बॅडमिंटन स्पर्धा २०२६ ला सातारा झाली आहे.

• वाईची क्रीडा परंपरा अधिक समृद्ध करणारी जिल्हास्तरीय बॅडमिंटन स्पर्धा
• बॅडमिंटनप्रेमींसाठी पर्वणी

वाई : वाई जिमखाना आणि किसन वीर महाविद्यालय यांच्या संयुक्त विद्यमाने जिल्हा बॅडमिंटन असोसिएशनची अधिकृत मान्यता प्राप्त आयोजित करण्यात आलेल्या प्रतापराव (भाऊ) भोसले स्मृती जिल्हास्तरीय बॅडमिंटन स्पर्धा २०२६ ला सातारा झाली आहे. त्यामुळे दि.१९ ते दि.२१ मे दरम्यान वाई येथे होणाऱ आहे. वाई-पाचगणी रस्त्यावरील किसन वीर महाविद्यालयाच्या इनडोअर स्पोर्ट्स फॅसिलिटी हॉलमध्ये ही स्पर्धा पार पडणार आहे. जिल्ह्यातील विविध भागांतील बाल, युवा, खुल्या गटातील तसेच ज्येष्ठ खेळाडू या स्पर्धेत सहभागी होणार असून, बॅडमिंटनप्रेमींसाठी ही स्पर्धा आकर्षणाचा केंद्रबिंदू ठरणार आहे. मदन (दादा) भोसले यांच्या मार्गदर्शना खाली कै. प्रतापराव (भाऊ) भोसले यांच्या द्वितीय पुण्यस्मरण प्रीत्यर्थ आयोजित करण्यात आलेली ही स्पर्धा जिल्ह्यातील गुणवंत खेळाडूंना आपले कौशल्य सिद्ध करण्यासाठी एक महत्त्वाचे व्यासपीठ ठरणार आहे. वाई जिमखानाने गेल्या 34 वर्षांत विविध क्रीडा उपक्रम राबवून वाईची क्रीडा परंपरा अधिक बळकट करण्याचे कार्य केले आहे. या स्पर्धेच्या माध्यमातून नवोदित खेळाडूंना प्रोत्साहन मिळण्याबरोबरच बॅडमिंटन खेळाची आवड वाढीस लागणार आहे.

Kolhapur News : व्यवसाय परवाना नसलेली दुकाने सील करा; अतिक्रणाविरोधात स्थायी समितीकडे मागणी

स्पर्धेत मुले व मुलींसाठी ९, ११, १३ आणि १५ वर्षांखालील एकेरी गट, १७ व १९ वर्षांखालील एकेरी व दुहेरी गट, पुरुष व महिला खुला गट, मिश्र दुहेरी तसेच ३०+, 35+, ४५+ आणि ५५+ ज्येष्ठ गटांचा समावेश करण्यात आला आहे.नोंदणीची अंतिम तारीख १७ मे असून इच्छुकांनी ९९६०४१९०६९ आणि ८१४९०१४१९१ या क्रमांकांवर संपर्क साधून आपली नोंदणी करावी, असे आवाहन स्पर्धा प्रमुख श्री. वैभव फुले यांनी केले आहे.

वाई जिमखानाचे अध्यक्ष अमर आनंद कोल्हापुरे यांनी सांगितले की, जिल्ह्यातील खेळाडूंना दर्जेदार आणि स्पर्धात्मक व्यासपीठ उपलब्ध करून देणे हा या स्पर्धेमागील मुख्य उद्देश आहे. जिल्हा बॅडमिंटन असोसिएशनची मान्यता मिळाल्यामुळे खेळाडूंचा उत्साह अधिक वाढला असून या स्पर्धेला मोठा प्रतिसाद मिळेल, असा विश्वास त्यांनी व्यक्त केला.जिल्हा बॅडमिंटन असोसिएशनची अधिकृत मान्यता, उत्कृष्ट सुविधा आणि दर्जेदार आयोजनामुळे कै. प्रतापराव (भाऊ) भोसले स्मृती जिल्हास्तरीय बॅडमिंटन स्पर्धा २०२६ ही सातारा जिल्ह्यातील बॅडमिंटनपटूंसाठी एक महत्त्वाची आणि प्रतिष्ठेची स्पर्धा ठरणार आहे.

Kolhapur News : खरीप हंगामापूर्वीच अडवणूक; खतविक्रेत्यांच्या संपामुळे शेतकरी सापडला कोंडीत