ढसाढसा रडून नंतर बंडखोरी करणाऱ्या आमदाराला शिवसेनेचा धक्का

२००९ पासून आमदार संतोष बांगर हे हिंगोलीचे शिवसेनेचे जिल्हाप्रमुख होते. आता त्यांना जिल्हाध्यक्ष पदावून हटवण्यात आले आहे. बांगर यांना जिल्हाप्रमुख पदावरून हटवल्यानंतर त्यांच्या नवीन निवडीसाठी पक्षश्रेष्ठी शिवसैनिकांची चाचणी करत आहेत. बांगर हे पक्षातून बंडखोरी करून शिंदे गटात सहभागी झाल्यानंतर हिंगोली जिल्हाभरात शिवसैनिकांकडून नाराजी होत होती.

मुंबई : हिंगोली जिल्ह्यातील कळमनुरीचे (Kalamnuri) शिवसेना आमदार संतोष बांगर (Santosh Bangar) यांना यांना (Uddhav Thackeray) मोठा धक्का बसला आहे. शिवसेना (Shivsena) हिंगोली जिल्हाप्रमुख पदावरुन हटवले. बांगर हे पक्षातून बंडखोरी (Rebel MLA) करून शिंदे गटात सहभागी झाल्यानंतर हिंगोली (Hingoli) जिल्हाभरात शिवसैनिकांकडून नाराजी (Shivsainik Dissatiesfied) होत होती. संतोष बांगर हे कळमनुरी विधानसभेचे आमदार त्याचबरोबर शिवसेनेचे जिल्हाप्रमुखसुद्धा होते.

२००९ पासून आमदार संतोष बांगर हे हिंगोलीचे शिवसेनेचे जिल्हाप्रमुख होते. आता त्यांना जिल्हाध्यक्ष पदावून हटवण्यात आले आहे. बांगर यांना जिल्हाप्रमुख पदावरून हटवल्यानंतर त्यांच्या नवीन निवडीसाठी पक्षश्रेष्ठी शिवसैनिकांची चाचणी करत आहेत.

बहुमत चाचणीच्या आदल्या दिवशीपर्यंत ठाकरेंसोबत असलेले कळमनुरीचे आमदार संतोष बांगर बहुमत चाचणीच्या दिवशी बंडखोरांच्या बसमध्ये दिसून आले. त्यांनी विधानसभा अध्यक्षपदाच्या निवडणुकीत विरोधात मतदान केले. त्यापूर्वी एकनाथ शिंदेंनी बंड केल्यावर त्यांच्यासोबत शिवसेनेचे इतरही आमदार निघून गेले, मात्र हेच संतोष बांगर ढसाढसा रडले होते. मराठवाड्यातले शिवसेना आमदार एकनाथ शिंदेंसोबत जात होते, फक्त संतोष बांगर ठाकरेंसोबत उभे होते. मी बाळासाहेबांचा खरा शिवसैनिक म्हणत ते उद्धव ठाकरे यांच्यासाठी रडले होते.