शिवसेनेच्या याचिकेवर सर्वोच्च न्यायालयात सायंकाळी ५ वाजता सुनावणी

Follow Us:

Follow Us:

भाजपच्या (BJP) मागणीनंतर राज्यपाल भगतसिंह कोश्यारी (Governor Bhagat Singh Koshyari) यांनी महाविकास आघाडी सरकारला (MVA) उद्या विश्वासदर्शक चाचणीला (Majority) सामोरे जाण्याचे आदेश दिले आहेत. याविरोधात महाविकास आघाडी सरकारने सर्वोच्च न्यायालयात (Supreme Court) धाव घेतली आहे. संध्याकाळी ५ वाजता याचिकेवर सुनावणी होणार आहे.

काँग्रेसचे (Congress) जेष्ठ नेते पृथ्वीराज चव्हाण (Prithviraj Chavan) म्हणाले की, राज्यपाल भगतसिंह कोश्यारी यांनी मुख्यमंत्री उद्धव ठाकरे (Cm Uddhav Thackeray) यांना पत्र पाठवले आहे. त्यानुसार उद्याच विश्वासदर्शक ठराव मांडला जाणार आहे. मात्र, याविरोधात राज्य सरकार सर्वोच्च न्यायालयात दाद मागणार आहे.

राज्यपाल कोश्यारी यांनी महाराष्ट्र विधिमंडळ सचिवांना गुरुवारी सकाळी ११ वाजता शिवसेनेच्या नेतृत्वाखालील सरकारची चाचणी घेण्यास सांगितले आहे. चव्हाण म्हणाले की, सर्वोच्च न्यायालयाने ११ जुलैपर्यंत या प्रकरणावर स्थिती कायम ठेवली आहे. त्यानुसार राज्य विधानसभेच्या उपसभापतींसमोर अपात्रतेची कार्यवाही स्थगित ठेवण्याच्या सोमवारी सर्वोच्च न्यायालयाच्या निर्णयाचा संदर्भ देत होते.

विश्वासदर्शक चाचणीसाठी राज्यपालांच्या पत्राविरोधात महाविकास आघाडीला सर्वोच्च न्यायालयात जावे लागेल. उपसभापती (विधानसभा) यांना शिवसेना विधीमंडळ पक्षातील फूट ओळखावी लागेल. बंडखोर आमदारांना पत्र द्यावे लागेल की ते त्यांना विधिमंडळ पक्षाच्या दोन तृतीयांश लोकांचा पाठिंबा आहे आणि ते दुसर्‍या पक्षात विलीन झाले आहेत, ते म्हणाले. एमव्हीए सरकारने आणलेल्या विश्वासदर्शक ठरावाच्या विरोधात बंडखोरांनी मतदान केले तर ते अपात्र ठरतील, असे चव्हाण म्हणाले.

Web Title: Shivsenas petition to be heard in the supreme court at today 5 pm nrgm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com