Solapur-Mumbai Air Service Suspended Again: सोलापूर-मुंबई विमानसेवेला पुन्हा ‘ब्रेक’! Star Airचा मोठा निर्णय; नेमकं कारण काय?

Solapur-Mumbai Air Service Suspended Again: सोलापूर-मुंबई विमानसेवा पुन्हा एकदा बंद करण्यात आली आहे. Star Airने ही सेवा एक महिन्यासाठी स्थगित करण्याचा निर्णय घेतल्याने प्रवाशांमध्ये नाराजी आहे. यापूर्वी 28 जून आणि त्यानंतर 2 ऑगस्टपासून ही सेवा सुरू करण्यात आली होती.

• Star Airने सोलापूर-मुंबई विमानसेवा एक महिन्यासाठी बंद केली.
• कमी प्रवासी प्रतिसाद आणि नाईट लँडिंगचा अभाव ही प्रमुख कारणे.
• वाढलेल्या इंधन दरांमुळे सेवा चालवणे कंपनीला आर्थिकदृष्ट्या कठीण.

Solapur Mumbai Air Service: सोलापूरकरांची मुंबई विमानसेवा पुन्हा एकदा बंद झाली आहे. ही सेवा वारवांर बंद पडत असल्याने प्रवाशांनामध्ये प्रचंड नाराजी आली आहे. गेल्या महिन्यात म्हणजे 2 ऑगस्टला ही सेवा स्टार एअर कंपनीने मोठ्या उत्साहात सुरू केली होती. त्याआधी 28 जूनला पण सुरू झाली होती. पण आता कंपनीने सांगितलं आहे की,आम्ही एक महिन्यासाठी सेवा बंद करत आहोत.

राज्य सरकारने पण यासाठी गॅप फंडिंग द्यायचा निर्णय घेतला होता. मुख्यमंत्री देवेंद्र फडणवीस आणि पालकमंत्री जयकुमार गोरे यांनी स्वतः लक्ष घालून 2 ऑगस्टपासून ही सेवा सुरू करून घेतली होती. पण एक महिना पण झाला नाही तोच कंपनीने हात वर केले आहेत. Solapur-Mumbai Air Service Suspended Again:

कंपनीने काय कारण दिलं?

• स्टार एअर कंपनीने विमानसेवा बंद करण्यामागे काही कारणं दिली आहेत. कंपनीचे असे म्हणणे आहे की,
• लोक विमानाने प्रवास करत नसल्याने त्यांना प्रतिसाद कमी मिळत आहे.
• सोलापूर विमानतळावर अजूनही नाईट लँडिंगची सुविधा नाही.
• रात्री विमान उतरवता येत नाही.
• विमानाच्या इंधनाचे दर खूप वाढले आहेत. त्यामुळे कंपनीला परवडत नाही.

कंपनीने जिल्हा प्रशासनाला कळवलं आहे की,आम्ही एक महिन्यासाठी सेवा बंद करत आहोत. पण ही सेवा पुन्हा कधी सुरू होणार याबद्दल कंपनीने काहीच स्पष्ट सांगितलेलं नाही. त्यामुळे ही सेवा अनिश्चित काळासाठी बंद झाल्याचे सांगण्यात येत आहे. सोलापूर-मुंबईच नाही तर कंपनीने इतर काही मार्गांवरची पण सेवा इंधन दरवाढीमुळे बंद केल्याची माहिती मिळत आहे.

विमानतळाचं उद्घाटन होऊन वर्ष झालं तरी सेवा नाही

सोलापूर विमानतळाचं उद्घाटन पंतप्रधान नरेंद्र मोदी यांच्या हस्ते ऑनलाइन पद्धतीने सप्टेंबर 2024 मध्ये झालं होतं. त्यानंतर सोलापूरहून वेगवेगळ्या शहरांना विमानसेवा सुरू झाली होती. सोलापूरकरांना वाटलं होतं की,आता कायमची सेवा सुरू राहील. पण दरवेळी काही ना काही कारणाने सेवा बंद पडते. प्रवाशांना मुंबईला जायचं असेल तर विमान हा सगळ्यात जलद पर्याय आहे. पण सेवा अशी मधेच बंद पडल्यामुळे लोकांचा विश्वासच उडत चालला आहे. तिकीट बुक करायचं आणि अचानक सेवा बंद झाली त्यामुळे प्रवाशांचे हाल होतात.

Central Railway Mega Block: मुंबई लोकलचं वेळापत्रक बदलणार! मध्य रेल्वेवर मंगळवारी 12 तासांचा मेगा ब्लॉक

आता पुढे काय?

सगळ्या पार्श्वभूमीवर आता मुंबईत 9 सप्टेंबरला एक महत्त्वाची बैठक होणार आहे. या बैठकीत सोलापूर-मुंबई विमानसेवेबाबत काय निर्णय होतो याकडे सगळ्या सोलापूरकरांचं लक्ष लागलं आहे. सेवा पुन्हा सुरू होणार का? नाईट लँडिंगची सुविधा कधी मिळणार? इंधन दराचा प्रश्न कसा सुटणार? या सगळ्या प्रश्नांची उत्तरं या बैठकीत मिळतील अशी आशा आहे.तूर्तास तरी सोलापूरकरांना मुंबईला जाण्यासाठी पुन्हा एसटी, रेल्वे किंवा खासगी गाडीचाच आधार घ्यावा लागणार आहे.

Mira Bhayandar News: प्रवाशांच्या मागणीचा फॉर्म्युला ठरला फायदेशीर; एसटीच्या उत्पन्नात ६६ कोटींची वाढ, तोटा भरून निघण्याची आशा