sunday mega block on april 9 2023 mumbai local trains services will be affected on harbour and western line no block on central main line check the timmings nrvb
मुंबई : मध्य रेल्वे (Central Railway) मुंबई विभागात (Mumbai Division) आज विविध अभियांत्रिकी आणि देखभालीची कामे करण्यासाठी (Repair And Maintainance Work) आपल्या उपनगरीय विभागांत मेगा ब्लॉक (Mega Block) परिचालित करणार आहे. या कालावधीत मेन लाईनवर (Main Line) आज मेगाब्लॉक घेण्यात आला नसून हार्बर लाईनवर (Harbour Line) सकाळी ११.१० ते दुपारी ४.१० वाजेपर्यंत कुर्ला ते वाशी स्थानकांदरम्यान लोकल ट्रेन्स उपलब्ध असणार नाहीत. पश्चिम रेल्वेवर (Western Railway) आज जम्बोब्लॉक घेण्यात येणार आहे.
मध्य आणि पश्चिम रेल्वेने रविवार ९ एप्रिल रोजी मुंबईत मेगाब्लॉक जाहीर केला आहे. मध्य रेल्वेच्या हार्बर मार्गावर कुर्ला ते वाशी अप आणि डाऊन मार्गावर सकाळी ११.१० ते दुपारी ४.१० या वेळेत मेगाब्लॉक असणार आहे. तथापि, ब्लॉक कालावधीत हार्बर मार्गावरील सेवा ठाणे-वाशी स्थानकांदरम्यान सकाळी १०.०० ते संध्याकाळी ६.०० वाजेपर्यंत उपलब्ध असणार नाही.
दुसरीकडे, पश्चिम मार्गावर पाच तासांचा जम्बो ब्लॉक असेल. सांताक्रुझ ते गोरेगाव स्थानकापर्यंत सकाळी १० ते दुपारी ३ वाजेपर्यंत जम्बो ब्लॉक असणार आहे. या कालावधीत अप आणि डाऊन अशा दोन्ही मार्गावर लोकल्स उपलब्ध असणार नाहीत.
.png "Videos"){kind=small}
