लोकलमधील वाद जीवावर बेतला! छेडछाडीला विरोध करणाऱ्या तरुणीला चालत्या ट्रेनमधून ढकलले; जितेंद्र हिरमुखे पोलिसांच्या ताब्यात
४ नोव्हेंबर २०२६ रोजी सायंकाळी साधारण ७ वाजून १५ मिनिटांच्या सुमारास नायगाव रेल्वे स्थानकात हा प्रकार घडला. गर्दीच्या वेळेत डब्यांच्या रचनेबाबत झालेल्या गोंधळामुळे २० वर्षीय तरुणी चुकून दिव्यांग प्रवाशांसाठी राखीव असलेल्या डब्यात चढली होती. हा डबा महिलांच्या डब्याला लागून असल्याने तिचा गोंधळ झाल्याची माहिती पोलिसांनी दिली.
E20 पेट्रोलच्या गुणवत्तेवर बीपीसीएलचे स्पष्टीकरण; 893 नमुन्यांमध्ये इथेनॉलचे प्रमाण योग्य
या डब्यात असलेल्या जितेंद्र हिरमुखे याच्यासोबत तरुणीचा वाद झाला. छेडछाडीला विरोध केल्यानंतर हा वाद वाढला आणि आरोपीने तिला चालत्या लोकलमधून खाली ढकलल्याचा आरोप आहे. यामध्ये तरुणी ट्रेनच्या दोन डब्यांच्या मधून खाली पडली. या अपघातात तिच्या डाव्या हाताला गंभीर दुखापत झाली आणि तिला हात गमवावा लागला. या घटनेनंतर रेल्वे पोलीस कर्मचारी, होमगार्ड आणि स्थानिक नागरिकांनी तातडीने मदतकार्य केले. जखमी तरुणीला बाहेर काढून उपचारासाठी वसई रुग्णालयात दाखल करण्यात आले. सुरुवातीला ती बेशुद्ध असल्याने पोलिसांनी तिच्या उपचारांना प्राधान्य दिले.
घटनेनंतर रेल्वे पोलिसांनी स्थानकातील सीसीटीव्ही फुटेज तपासून आरोपीचा शोध सुरू केला. ६ नोव्हेंबर रोजी तरुणी शुद्धीवर आल्यानंतर तिने पोलिसांना दिलेल्या माहितीनुसार तपासाला वेग आला. त्यानंतर पोलिसांनी जितेंद्र हिरमुखे याला अटक केली. या प्रकरणी सुरुवातीला भारतीय न्याय संहितेच्या कलम ७४, १०९, ११७(२) आणि ३५२ अंतर्गत गुन्हा दाखल करण्यात आला होता. मात्र, वैद्यकीय अहवाल आणि तरुणीच्या गंभीर दुखापतीची माहिती समोर आल्यानंतर गुन्ह्यात आणखी कठोर कलमांची वाढ करण्यात आली. यामध्ये कलम १०९(१) चा समावेश करण्यात आला असून, तपासाचा अहवाल न्यायालयात सादर करण्यात आल्याची माहिती पोलिसांनी दिली.
या प्रकरणातील आरोपीला न्यायालयाकडून जास्तीत जास्त पोलीस कोठडी मिळावी, यासाठी रेल्वे पोलिसांकडून प्रयत्न सुरू आहेत. वसई विभागाच्या रेल्वे पोलिसांनी पत्रकार परिषदेत या घटनेची माहिती दिली. यावेळी एसीपी मनीषा रावखंडे यांनी तपासासंदर्भातील माहिती मांडली.
दरम्यान, गर्दीच्या वेळेत रेल्वे स्थानकांवर पुरेसे पोलीस मनुष्यबळ उपलब्ध नसल्याची बाबही रेल्वे पोलिसांनी मान्य केली आहे. अनेक प्लॅटफॉर्म आणि महिला डब्यांच्या सुरक्षेची जबाबदारी मर्यादित कर्मचाऱ्यांवर असल्याने अतिरिक्त मनुष्यबळाची गरज असल्याचे पोलिसांनी सांगितले. यासाठी महाराष्ट्र सुरक्षा दलाचे अतिरिक्त कर्मचारी तैनात करण्याची मागणी करण्यात आली आहे.
नायगावमधील या घटनेमुळे लोकलमधील महिला प्रवाशांच्या सुरक्षेचा मुद्दा पुन्हा चर्चेत आला आहे. गर्दीच्या वेळेत पुरेसे पोलीस कर्मचारी तैनात करणे, महिला डब्यांजवळ गस्त वाढवणे आणि स्थानकांवरील सुरक्षा व्यवस्था मजबूत करणे आवश्यक असल्याची मागणी होत आहे. अशा घटना रोखण्यासाठी रेल्वे प्रशासन आणि पोलिसांनी समन्वयाने उपाययोजना करण्याचे आव्हान आता उभे राहिले आहे.
Ans: ४ नोव्हेंबर २०२६ रोजी सायंकाळी गर्दीच्या वेळेत झालेल्या वादातून एका २० वर्षीय तरुणीला चालत्या लोकलमधून ढकलल्याचा आरोप आहे. या घटनेत तिच्या डाव्या हाताला गंभीर दुखापत झाली.
Ans: या प्रकरणात जितेंद्र हिरमुखे (वय ५३) याला रेल्वे पोलिसांनी अटक केली आहे.
Ans: सुरुवातीला भारतीय न्याय संहितेच्या कलम ७४, १०९, ११७(२) आणि ३५२ अंतर्गत गुन्हा दाखल करण्यात आला होता. पुढील तपासादरम्यान कलम १०९(१) चा समावेश करण्यात आल्याची माहिती रेल्वे पोलिसांनी दिली आहे.
.png "Videos"){kind=small}
