Shiv Sena Symbol Dispute : शिवसेना पक्ष आणि धनुष्यबाण कुणाचा? सुप्रीम कोर्टाने दिले महत्त्वाचे निर्देश

Shiv Sena Symbol Dispute News : शिवसेना पक्ष आणि धनुष्यबाण चिन्हावरील वादाची सुनावणी पुन्हा पुढे ढकलण्यात आली आहे. आता या प्रकरणाची पुढील सुनावणी 12 नोव्हेंबर रोजी होणार आहे.

• शिवसेना नाव आणि चिन्हाची सुनावणी पुढे ढकलण्यात आली
• तारीख पे तारीख! 12 नोव्हेंबरला होणार सुनावणी
• शिवसेना पक्ष आणि धनुष्यबाण कुणाचा? सुप्रीम कोर्टाने दिले महत्त्वाचे निर्देश

Shiv Sena Symbol Dispute News In Marathi : केंद्रीय निवडणूक आयोगाने शिंदे गटाला शिवसेना पक्षाचे नाव आणि चिन्ह देण्याचा निर्णय घेतला होता. या निर्णयाविरोधात शिवसेना ठाकरे गटाने सुप्रीम कोर्टात आव्हान दिले. या याचिकेवर आज (8 ऑक्टोबर) सुनावणी झाली असून आज पुन्हा तारीख पे तारीख पाहायला मिळलं. यावेळी न्यायालयाने १२ नोव्हेंबरपासून अंतिम सुनावणी होईल, असे न्यायमूर्ती सूर्यकांत, उज्ज्वल भुयान आणि एनके सिंह यांनी खंडपीठावर स्पष्ट निर्णय दिला आहे.

सुनावणी झाली का: अ‍ॅड. कपिल सिब्बल

न्यायाधीश सूर्यकांत, उज्ज्वल भुयान आणि एनके सिंह यांच्या खंडपीठासमोर सुनावणी झाली. ठाकरे यांच्या वतीने ज्येष्ठ वकील कपिल सिब्बल यांनी युक्तिवाद केला. महाराष्ट्रात स्थानिक स्वराज संस्थेच्या निवडणुका जानेवारीच्या मध्यात होत आहेत. कृपया लवकर सुनावणी घ्या. कारण पक्षाचे नाव आणि चिन्हाचा प्रश्न आहे, अशी सिब्बल यांनी ही विनंती केली. यावर न्यायमूर्ती सूर्यकांत यांनी स्पष्ट केले की या प्रकरणाची अंतिम सुनावणी १२ नोव्हेंबर २०२५ ला होईल.

संतापजनक! सरन्यायाधीश भूषण गवईंवर बुटाने केलेल्या हल्ल्याचे भाजप नेत्याकडून कौतुक; वाद पेटणार?

१२ नोव्हेंबरपासून सलग अंतिम सुनावणी होणार

आजच्या सुनावणीदरम्यान, शिंदे गटाच्या वकीलांनी अम्हाला युक्तीवादासाठी तीन दिवस हवे आहेत, असे सांगितले तर कपिल सिब्बल यांनी मला फक्त ४५ मिनिटे युक्तीवादासाठी हवी आहेत, असे सांगण्यात आले. एकूणच पुढील तीन दिवस सलग सुनावणी घेण्यापेक्षा आता 12 नोव्हेंबरपासून सलग अंतिम सुनावणी घेण्यात येईल, असे न्यायालयाने सांगितले असल्याची माहिती वकिल असीम सरोदे यांनी दिली.

पक्षाचे नाव आणि चिन्ह कोणाचे?

केंद्रीय निवडणूक आयोगाने फेब्रुवारी २०२३ मध्ये एकनाथ शिंदे यांच्या पक्षाला शिवसेना नाव आणि चिन्ह दिले होते. शिवसेना ठाकरे गटाने जुलै 2025 मध्ये सुप्रीम कोर्टाने पक्ष नाव आणि चिन्ह निर्णयासंदर्भात अंतरिम अर्ज केला होता. यामध्ये महाराष्ट्रातील आगामी स्थानिक स्वराज्य संस्था निवडणुकीत शिवसेना शिंदे गटाला पक्षाचे नाव आणि चिन्ह धनुष्यबाण चिन्ह गोठविण्यात यावे, अशी मागणी केली होती. यावर ऑगस्टमध्ये सुनावणी होणार होती, मात्र ती पुन्हा लांबणीवर गेली आहे. मात्र या प्रकरणाला आता सुमारे दोन वर्ष झाली असून आम्ही या प्रकरणाचा निकाल देऊ अशी भूमिका न्यायमूर्ती सूर्यकांत यांनी घेतली होती.

FAQs(संबंधित प्रश्न)

प्रश्न 1.शिवसेना पक्ष आणि धनुष्यबाण कुणाचा?
केंद्रीय निवडणूक आयोगाने फेब्रुवारी २०२३ मध्ये एकनाथ शिंदे यांच्या पक्षाला शिवसेना नाव आणि चिन्ह दिले होते. शिवसेना ठाकरे गटाने जुलै 2025 मध्ये सुप्रीम कोर्टाने पक्ष नाव आणि चिन्ह निर्णयासंदर्भात अंतरिम अर्ज केला होता.

प्रश्न 2. कधी होणार सुनावणी?
आता 12 नोव्हेंबरपासून सलग अंतिम सुनावणी घेण्यात येईल, असे न्यायालयाने सांगितले असल्याची माहिती वकिल असीम सरोदे यांनी दिली.

प्रश्न 3. युक्तीवाद कोणी केला?
ठाकरे यांच्या वतीने ज्येष्ठ वकील कपिल सिब्बल यांनी युक्तिवाद केला.

‘चिन्ह गोठवलं तरी आम्हाला चालेल, पण…’; ठाकरे गटाचे खासदार अरविंद सावंत यांचं मोठं विधान