Praful Patel Meets Sharad Pawar: १० तारखेनंतर बसून चर्चा करू…; शरद पवार प्रफुल्ल पटेलांना असं का म्हणाले?

शरद पवार यांना रुग्णालयात दाखल केल्यानंतर पंतप्रधान नरेंद्र मोदी यांनीदेखील शरद पवार यांच्या प्रकृतीची विचारपूस करण्यासाठी कॉल केला होता. देश सांभाळण्यासाठी सुप्रिया सुळे आणि आम्ही आहोत, तुम्ही तुमच्या तब्येतीची काळजी घ्या, असा संदेश पंतप्रधान नरेंद्र मोदी यांनी दिला होता.

• प्रफुल्ल पटेल- शरद पवारांची भेट व १० तारखेचा सस्पेन्स
• राज्याच्या-देशाच्या आणि अमेरिकेच्या राजकारणाची विचारपूस
• नरेंद्र मोदीकडून शरद पवार यांच्या प्रकृतीची विचारपूस

Praful Patel Meets Sharad Pawar: राष्ट्रवादी काँग्रेसचे संस्थापक अध्यक्ष आणि ज्येष्ठ नेते शरद पवार यांची प्रकृती अचानक खालावल्याने सध्या ते मुंबईतील ब्रीच कँडी रुग्णालयात उपचार घेत आहेत. त्यांच्या प्रकृतीची विचारपूस करण्यासाठी दिवंगत अजित पवार यांच्या राष्ट्रवादीचे नेते प्रफुल्ल पटेल यांनी काल शरद पवार यांची रुग्णालयात जाऊन भेट घेतली. या भेटीनंतर राजकीय वर्तुळात चर्चा सुरू झाल्या आहेत. या भेटीदरम्यान काही राजकीय विषयांवरही चर्चा झाल्याची माहिती आहे. या चर्चांदरम्यान शरद पवार आणि प्रफुल्ल पटेल यांच्या भेटीचा एक व्हिडीओही समोर आला आहे.

या व्हिडीओत शरद पवार यांनी १० तारखेनंतर एकत्र बसून चर्चा करू, असं प्रफुल्ल पटेलांना सांगितल आहे. त्यामुळे आता १० तारखेनंतर नेमकी कोणत्या विषयावर चर्चा होणार, याकडे सर्वांचे लक्ष लागले आहे. या भेटीबाबत प्रफुल्ल पटेल यांना विचारले असता, ते म्हणाले की, राजकारणात काय चाललंय असं ते विचारत होते. आमची राजकीय भूमिका दुरावली असली तरी आमचे मन कधीही दुरावले नाही. त्यामुळे मी पवार साहेबांना नेहमीच भेटत असतो. आमचे पारिवारीक संबंध आहेत ते राहणारच.

France Protest : फ्रान्समध्ये महागाई अन् बजेट कपातीविरोधात उद्रेक; पॅरिसमध्ये 6 लाखांहून अधिक नागरिक रस्त्यावर

आम्ही जनरल चर्चा केली- प्रफुल्ल पटेल

शरद पवारांशी झालेल्या भेटीबाबत, एका प्रश्नावर बोलताना पटेल म्हणाले की, हॉस्पिटलमध्ये बाकीच्या चर्चा करणे योग्य नसल्याने आम्ही जनरल चर्चा केली. फक्त राजकारणात काय सुरू आहे, असं त्यांनी विचारलं. देशाच्या आणि राज्याच्या राजकारणात काय चाललयं, अमेरिकेच्या राजकारणात काय चालंलयं याबाबत शरद पवार यांनी आपल्याला विचारल्याचे पटेल यांनी सांगितलं.

दरम्यान, शरद पवार यांना रुग्णालयात दाखल केल्यानंतर पंतप्रधान नरेंद्र मोदी यांनीदेखील शरद पवार यांच्या प्रकृतीची विचारपूस करण्यासाठी कॉल केला होता. देश सांभाळण्यासाठी सुप्रिया सुळे आणि आम्ही आहोत, तुम्ही तुमच्या तब्येतीची काळजी घ्या, असा संदेश पंतप्रधान नरेंद्र मोदी यांनी दिला होता. त्यावर तुम्ही सर्वजण असल्यावर मला देशाची चिंता नाही, असं उत्तर देत शरद पवारांनी मोदींचे आभार मानले. अशी माहिती शरद पवारांचे निकटवर्तीय विठ्ठल मणियार यांनी दिली.

यूजर्सच्या प्रतिक्षेला पूर्णविराम! अनोख्या डिझाईनसह Motorola Signature 27 ची दमदार एंट्री; फीचर्स पाहता

खोकला आणि छातीत कफाची समस्या

खोकला आणि छातीत कफ साचल्याच्या तक्रारींमुळे शरद पवार यांना २ नोव्हेंबरला रुग्णालयात दाखल करण्यात आले होते शरद पवार यांची प्रकृती स्थिर असून कोणतीही गंभीर समस्या नाही. बुधवारी त्यांना रुग्णालयातून डिस्चार्ज देण्यात आला. सार्वजनिक कार्यक्रमांमध्ये पुन्हा सहभागी होण्यापूर्वी शरद पवार यांनी किमान दोन ते चार दिवस पूर्ण विश्रांती घ्यावी, असा सल्ला डॉक्टरांनी दिला आहे.

शरद पवार, त्यांची मुलगी आणि लोकसभा खासदार सुप्रिया सुळे यांच्यासोबत थेट दक्षिण मुंबईतील त्यांच्या घरी गेले. विश्रांतीच्या काळात ते त्यांच्या वैयक्तिक वैद्यकीय पथकाच्या देखरेखेखाली राहतील. यापूर्वी, सुप्रिया सुळे यांनी एका सोशल मीडिया पोस्टमध्ये म्हटले होते, “बाबांची प्रकृती आता खूप सुधारली आहे आणि आम्ही मुंबईला जात आहोत. त्यांची इतकी चांगली काळजी घेतल्याबद्दल रुबी हॉलमधील संपूर्ण टीमचे खूप खूप आभार. तुमच्या सर्वांच्या सदिच्छांबद्दल मी मनापासून आभारी आहे.”