Dombivli News: डोंबिवलीमध्ये धोकादायक ‘सुमती निवास’मुळे नागरिकांचा जीव धोक्यात; कारवाई कधी होणार?

डोंबिवली येथे सुमती निवास ही इमारत अतिधोकादायक स्थितीत असून, नागरिकांच्या जीवितास मोठा धोका निर्माण झाला आहे.अनेक वेळा तक्रारी करूनही प्रशासनाकडून अद्याप ठोस कारवाई झालेली नसल्याने रहिवाशांमध्ये संताप व्यक्त केला जात आहे

• डोंबिवलीमध्ये धोकादायक इमारत
• ‘सुमती निवास’मुळे नागरिकांचा जीव धोक्यात
• कारवाई कधी होणार?

कल्याण डोंबिवली महानगर पालिका क्षेत्रातील धोकादायक व अतिधोकादायक इमारती रहिवाश्यांच्या जीविताला धोकादायक बनल्या आहेत. पालिका प्रशासन केवळ धोकादायक व अतिधोकादायक इमारतींना नोटीसा बजावण्याचे काम करून आपले हात झाकून टाकत असल्याने आजही धोकादायक इमारतीचा प्रश्न आवासून उभा राहिला असल्याने पालिका प्रशासन इमारती कोसळून जीवित हानी होण्याची वाट पाहत आहे का असा प्रश्न उपस्थित झाला आहे.

Parth Pawar Oath Ceremony : हळवा क्षण! अजित दादाचं जॅकेट अन् आईची उपस्थिती…, पार्थ पवार यांनी घेतली राज्यसभा सदस्यपदाची शपथ

कल्याण डोंबिवली महानगर पालिका क्षेत्रात सुमारे साडे पाचशे हून अधिक इमारती धोकादायक आणि अतिधोकादायक इमारती जीर्ण मरणासन्न अवस्थेत उभ्या आहेत. डोंबिवलीत सुमती निवास ही इमारत कधीही पडू शकते मात्र प्रशासन काहीही कारवाई करत नसल्याने नाराजी व्यक्त केली जात आहे. पावसाळा तोंडावर आला की पालिका प्रशासन पालिका क्षेत्रातील दहा प्रभाग क्षेत्र कार्यालया हद्दीत असलेल्या धोकादायक व अतिधोकादायक इमारतीची यादी जाहीर करून त्यांना नोटीसा बजावण्याचे काम नित्य नियमाने दरवर्षी करत असते. नोटीसा बजावण्या पलीकडे पालिका प्रशासन कोणतेच काम करीत नसल्याने या जुन्या इमारतीचे मालक इमारत कोसळण्याची वाट पाहत असतात.

काही दिवसा पूर्वी डोंबिवली पूर्वे कडील गोपाल नगर २ मधील आधार इमारतीतील पहिल्या मजल्या वरील घराचा स्लॅब तळ मजल्यावरील घरा वर कोसळला होता यात तीन जण जखमी झाले होते डोंबिवली कल्याणात आजही तीस ते चाळीस वर्ष जुन्या झालेल्या इमारती धोकादायक अवस्थेत मरणासन्न उभ्या आहेत याही इमारती कोसळण्याच्या स्थितीत उभ्या आहेत.डोंबिवली पूर्वे कडील भर स्टेशन परिसरातील वाहतूक पोलिस ऑफिस समोरील जुने लक्ष्मी हॉस्पिटल असलेली सुमती निवास ही दोन मजली इमारत धोकादायक झाल्याने या इमारतीतील रहिवाश्यांच्या खोल्या रिकाम्या करण्यात आल्या होत्या.

गेल्या काही वर्षा पासून या रिकाम्या असलेल्या धोकादायक इमारतीला पालिका प्रशासन नोटीसा पाठवण्या पलीकडे कोणतीच इमारत निष्कासित करण्याची कारवाई नाही तर इमारत मालकाला काही पडली नाही. या धोकादायक इमारतीचा वापर रस्त्यावर बसणाऱ्या फेरीवाल्यांचे समान ठेवण्याचा उपयोगाची राहिली आहे तर या धोकादायक काही दुकानेही सुरू आहेत सदरची धोकादायक इमारत भर रस्त्याच्या कडेला उभी असल्याने रस्त्यावरून येणाऱ्या जाण्याची मोठ्या प्रमाणावर वर्दळ असल्याने इमारत कोसळल्यास मोठी जीवित हानी होण्याची शक्यता नाकारता येत नाही. पालिका प्रशासन धोकादायक इमारत कोसळण्याची वाट पाहत आहे का की पालिका प्रशासन कोणाच्या दबावा मुळे या इमारतीवर निष्कशणाची कारवाई करत नाही असा प्रश्न नागरिकामधून विचारला जात आहे.

‘सरकारी जागेतील धार्मिक स्थळे तातडीने हटवा’; भाजप आमदार गोपीचंद पडळकर यांची मोठी मागणी