Ravindra Chavan
भाजपचे महाराष्ट्र प्रदेशाध्यक्ष रविंद्र चव्हाण यांच्या वाढदिवसानिमित्त राज्यभरात विविध धार्मिक, सामाजिक आणि समाजोपयोगी उपक्रमांचं आयोजन करण्यात आलं. कार्यकर्ते, पदाधिकारी आणि नागरिकांनी प्रत्यक्ष भेटी, दूरध्वनी तसेच सोशल मीडियाच्या माध्यमातून त्यांना वाढदिवसाच्या शुभेच्छा दिल्या.
डोंबिवलीचे ग्रामदैवत श्री गणेश मंदिर संस्थान येथे दर्शन घेऊन रविंद्र चव्हाण यांनी आपल्या वाढदिवसाची सुरुवात केली. त्यानंतर त्यांनी ‘जननी आशिष’ अनाथाश्रम, ‘आपलं घर’ वृद्धाश्रम आणि ‘डोंबिवलीकर न्यू फोर्स अकॅडमी’ला सहकुटुंब भेट दिली. यावेळी तेथील नागरिक आणि प्रशिक्षणार्थींसोबत त्यांनी वाढदिवस साजरा केला.
कल्याण-डोंबिवलीतील विविध भाजप कार्यालयांच्या उद्घाटनाचा कार्यक्रमही वाढदिवसाचं औचित्य साधून आयोजित करण्यात आला. यावेळी Gen Z युवकांनी रविंद्र चव्हाण यांची भेट घेतली. तरुणांनी गुलाबपुष्प देत त्यांचं अभीष्टचिंतन केलं.
या भेटीमुळे वाढदिवसाच्या कार्यक्रमात युवा सहभागाचाही विशेष उल्लेख झाला. मतदारसंघातील जनसंपर्क कार्यालयांमध्येही अभीष्टचिंतन सोहळे पार पडले. महिला पदाधिकाऱ्यांनी औक्षण केलं, तर नगरसेवक, पदाधिकारी, कार्यकर्ते आणि नागरिकांनी शुभेच्छा दिल्या.
रविंद्र चव्हाण यांच्या दीर्घायुष्यासाठी होमहवनासारखे धार्मिक विधीही करण्यात आले. त्याचबरोबर राज्यभरात विविध कल्याणकारी उपक्रम राबवण्यात आले.
गरजू नागरिकांना मोफत अन्नधान्य, विद्यार्थ्यांना सायकली, अपारंपरिक ऊर्जेला प्रोत्साहन देण्यासाठी सोलार पॅनेल, तरुणांसाठी ड्रायव्हिंग लायसन्स आणि हेल्मेट, तसेच ज्येष्ठ नागरिकांना ज्येष्ठ नागरिक दाखल्यांचं वाटप करण्यात आलं.
सामाजिक आरोग्याच्या दृष्टीने विविध ठिकाणी रक्तदान शिबिरांचं आयोजन करण्यात आलं. वृद्धाश्रमांना वॉशिंग मशीन आणि इतर आवश्यक साहित्याची मदतही देण्यात आली.
कौशल्य विकास व रोजगार मंत्री मंगल प्रभात लोढा, आमदार महेंद्र थोरवे, आमदार प्रशांत ठाकूर यांच्यासह भाजपचे पदाधिकारी, कार्यकर्ते आणि राष्ट्रीय स्वयंसेवक संघाचे स्वयंसेवक यांनी रविंद्र चव्हाण यांना प्रत्यक्ष भेटून शुभेच्छा दिल्या.
धार्मिक श्रद्धा, सामाजिक उपक्रम, युवा सहभाग आणि ज्येष्ठांचा सन्मान अशा विविध उपक्रमांमधून रविंद्र चव्हाण यांचा वाढदिवस साजरा करण्यात आला. नागरिकांनी व्यक्त केलेला विश्वास आणि आपुलकी ही जनसेवेच्या कामासाठी आणखी बळ देणारी असल्याची प्रतिक्रिया रविंद्र चव्हाण यांनी व्यक्त केली.
.png "Videos"){kind=small}
