Thane News : ठाकरे गटाचा मोठा निर्णय; रोहिदास मुंडे यांच्यावर कल्याण ग्रामीण विधानसभा प्रमुख पदाची सोपवली जबाबदारी

दिव्यातील शिवसैनिक रोहिदास मुंडे यांच्यावर मातोश्रीने विश्वास दाखवत कल्याण ग्रामीण विधानसभा प्रमुख पदाची जबाबदारी सोपवली आहे. पक्षाच्या मध्यवर्ती कार्यालयाकडून ही माहिती प्रसिद्ध करण्यात आली आहे.

फोटो सौजन्य: गुगल

Follow Us:

Follow Us:

ठाणे स्नेहा जाधव काकडे :- दिव्यातील शिवसैनिक रोहिदास मुंडे यांच्यावर मातोश्रीने विश्वास दाखवत कल्याण ग्रामीण विधानसभा प्रमुख पदाची जबाबदारी सोपवली आहे. पक्षाच्या मध्यवर्ती कार्यालयाकडून ही माहिती प्रसिद्ध करण्यात आली आहे. रोहिदास बामा मुंडे यांची शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांच्या आदेशाने ठाणे जिल्ह्यातील कल्याण ग्रामीण विधानसभा प्रमुख पदी नियुक्ती जाहीर करण्यात आल्याची माहिती शिवसेना मध्यवर्ती कार्यालयाच्या वतीने प्रसिद्ध करण्यात आली आहे.

या नियुक्तीमुळे कल्याण ग्रामीण विधानसभा क्षेत्रात उद्धव बाळासाहेब ठाकरे यांच्या शिवसेनेला उभारी देण्याचे काम मुंडे यांच्या माध्यमातून होईल अशी अपेक्षा येथील शिवसैनिक व्यक्त करत आहेत. आगामी महापालिका निवडणुका व स्थानिक स्वराज्य संस्थांच्या निवडणुकांच्या दृष्टिकोनातून पक्षाचे जास्तीत जास्त उमेदवार निवडून आणण्यासाठी, शिवसेनेची भूमिका सर्वसामान्य लोकांपर्यंत पोहोचवण्यासाठी आक्रमक चेहऱ्यांना संधी पक्षाकडून दिली जात आहे. रोहिदास मुंडे यांची आक्रमक शिवसैनिक म्हणून ओळख असून विविध आंदोलनाच्या माध्यमातून त्यांनी अनेक वेळा सत्ताधाऱ्यांना जेरीस आणले आहे.

सत्ताधाऱ्यांच्या विरोधात बुलंद आवाज असणारे रोहिदास मुंडे यांना विधानसभा प्रमुख पदाची जबाबदारी मिळाल्याने आगामी काळात कल्याण ग्रामीण विधानसभा क्षेत्रात शिवसेना उद्धव बाळासाहेब ठाकरे पक्षाचा आवाज अधिक बुलंद होईल असा विश्वास स्थानिक शिवसैनिक व्यक्त करत आहेत.  शिवसेनाप्रमुख बाळासाहेब ठाकरे यांच्या आशीर्वादाने आणि पक्षप्रमुख उद्धव साहेब ठाकरे यांच्या आदेशाने व शिवसेना नेते विनायक राऊत,राजन विचारे, उपनेते व कल्याण लोकसभा संपर्कप्रमुख गुरुनाथ खोत कल्याण जिल्हा प्रमुख दीपेश म्हात्रे व जिल्हा संघटक तात्या माने यांच्या मार्गदर्शनाखाली मला जी जबाबदारी पक्षाने दिली आहे, ती पार पाडण्यासाठी सर्वसामान्य शिवसैनिक म्हणून प्रामाणिक प्रयत्न करेन. त्याचबरोबर महाराष्ट्र हितासाठी लढणाऱ्या शिवसेना उद्धव बाळासाहेब ठाकरे पक्षाचा विचार कल्याण ग्रामीण विधानसभा क्षेत्रातील मतदारांपर्यंत पोहोचवण्याचा प्रयत्न करेन. मला ही जबाबदारी दिली त्याबद्दल मी पक्षाचा आभारी आहे”असं रोहिदास मुंडे यांनी सांगितलं आहे.

Web Title: Thane news thackeray groups big decision rohidas munde entrusted with the responsibility of kalyan rural assembly chief

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com