धुळे : मुंबई-आग्रा महामार्गावर (Mumbai-Agra Highway) मंगळवारी भीषण अपघात झाला. यामध्ये महामार्गावर भरधाव वेगात असलेला कंटेनरचे ब्रेक फेल झाल्याने तो थेट हॉटेलमध्ये (Container Accident) घुसला आणि दुर्घटना घडली. शिरपूर येथील पळसनेरमध्ये मध्यप्रदेशच्या सीमेलगत हा अपघात झाला. या अपघाताचा व्हिडिओ आता समोर आला आहे.
धुळे शहरात कसा झाला अपघात पाहा व्हिडिओतून pic.twitter.com/G9IwJneS3v
— jitendra (@jitendrazavar) July 4, 2023
शिरपूर तालुक्यातील पळसनेर येथील मध्यप्रदेश राज्याच्या सीमेवर हा भीषण अपघात झाला आहे. भरधाव कंटेनर हॉटेलमध्ये घुसला. ब्रेक फेल झाले आणि चालकाचा कंटेनरवरील ताबा सुटल्यामुळे ही घटना घडली आहे. या अपघातामध्ये कंटेनरने अनेकांना चिरडले. या अपघातात 10 जणांचा मृत्यू झाला तर 23 जण जखमी झाल्याची माहिती मिळाली आहे.
11 वाहनांना धडक
मुंबई-आग्रा महामार्गावरील पळासनेर बायपासवर मंगळवारी सकाळी अकराच्या सुमारास हा भीषण अपघात झाला. यामध्ये आग्राकडून मुंबईच्या दिशेने येणाऱ्या 14 चाकी कंटेनरचा ब्रेक अचानक फेल झाला. यादरम्यान 11 वाहनांना धडक दिल्याचेही समोर आले आहे.
.png "Videos"){kind=small}
