मुंबई : भाजप (BJP) नेत्यांनी राज्यपाल भगतसिंह कोश्यारी (Governor) यांची भेट घेतल्यानंतर आता राजकीय घडामोडींनी वेग आला आहे. राज्यपालांनी मुख्यमंत्री उद्धव ठाकरे (Cm Uddhav Thackeray) यांना बहुमत सिद्ध (Majority) करण्यासाठी पत्र पाठवले आहे. मात्र, अधिवेशन विधानसभा उपाध्यक्ष नरहरी झिरवाळ (Narhari Zirwal) यांच्या अध्यक्षतेखाली होणार आहे.
उद्या होणारी ठाकरे सरकारची बहुमत चाचणी उपाध्यक्ष नरहरी झिरवाळ यांच्याच अध्यक्षतेखाली होणार असल्याची माहिती समोर आली आहे. या प्रक्रियेसाठी हंगामी अध्यक्ष निवडला जाण्याची शक्यता नाही. राजकीय सत्तासंघर्षात २७ तारखेला सुप्रीम कोर्टाने महत्वाचे निर्देश दिले होते. यात विधानसभा उपाध्यक्ष नरहरी झिरवाळ आणि गटनेते अजय चौधरी, प्रतोद सुनील प्रभू यांना सुप्रीम कोर्टाची नोटीस देण्यात आली आहे. आता याप्रकरणी पुढील सुनावणी ११ जुलै रोजी होणार आहे.
सुप्रीम कोर्टाने म्हटले होते की, १२ जुलैपर्यंत बंडखोर आमदारांना अपात्र करता येणार नाही, नोटीस बजावलेल्या आमदारांना १२ जुलैला संध्याकाळपर्यंत वेळ देण्यात आला आहे.
.png "Videos"){kind=small}
