“कोकणच्या राजाचा तोराच भारी” ; देवगडच्या हापूसला परदेशात मागणी

देवगड तालुक्यातील गोवळ गावातील प्रगतशील आणि अभ्यासू शेतकरी अनिल चव्हाण,नागेश बोडेकर व अजित बोडेकर या युवा शेतकऱ्याने आपल्या बागेतील हापूस आंबा थेट परदेशात पाठविला आहे.

Follow Us:

Follow Us:

येवा कोकण आपलाच आसा असं म्हणणाऱ्या या कोकणवासियांची मेहनतीची दखल आता साता समुद्रापार असलेल्या देशांनी देखील घेतली आहे.फळांचा राजा म्हणून ओळखला जाणारा हापूस आंबा.आमच्या राजाची चव न्यारीच! आणि हापूस आंबा जगात भारी ! म्हणत देवगड तालुक्यातील गोवळ गावातील प्रगतशील आणि अभ्यासू शेतकरी अनिल चव्हाण,नागेश बोडेकर व अजित बोडेकर या युवा शेतकऱ्याने आपल्या बागेतील हापूस आंबा थेट दुबईला पाठविला आहे.

उन्हाळा म्हटलं की प्रत्येकाला आंब्याची चाहूल लागते. आंबा असं जरी म्हटलं तरीही प्रत्येकाच्या तोडांला पाणी सुटतं. विशेष म्हणजे आंबा हा शब्द उच्चारला तरी डोळ्यासमोर गोड, रसाळ, पिवळसर केशरी रंगाचा ‘हापूस आंबा’ दिसायला लागतो. हापूस आंबा हे कोकणच्या मातीतील उत्पादन आहे. कोकणातील देवगड पट्ट्यातील हापूस आंबा म्हणजे निसर्गाची किमया असल्याचे मानले जाते. उन्हाळ्याच्या दिवसात आमरस पुरीचा मनमुराद आनंद लुटणे ही तर जणू पर्वणीच आहे. त्यामध्ये कोकणातील हापूस आणि देवगड तालुक्यातील आंबा हा आपल्या वेगळ्या चवीसाठी जगभर प्रसिद्ध असून त्याला जगभरातून मागणी आहे. नैसर्गिक संकटं आणि असंख्य आव्हानं पेलत हापूस आंबा आता दुबईला सातासमुद्रापार पोहोचलाय. आखाती देशात हापूस आंब्याला चांगला दर मिळत आहे.फळ बाजारात हापूसची आवक वाढत असून, परदेशातून देखील हापूसची मागणी वाढत आहे. त्यामुळे याचा फायदा कोकणातील आंबा बागायतदारांना आणि शेतकरी वर्गाला होणार आहे.

आमच्या प्रतिनिधी माहिती देताना युवा शेतकरी अनिल चव्हाण म्हणाले की, यावर्षी आंब्याचे उत्पादन फार कमी आहे.सध्या देवगड हापूस साधारणपणे १५ ते २० टक्के बाजारपेठेत उपलब्ध झाला आहे.एक्सपोर्ट मालाला परदेशात विशेष करुन मागणी आहे.आम्ही तीघानी मिळुन प्रायोगिक तत्त्वावर १हजार डझन आंबे दुबईला पाठवले आहेत. आणखीही त्याठिकाणाहून मागणी आहे लवकरच त्याही पेट्या रवाना होतील.यापुर्व अनेक देशांत आपण हापुस आंबा पाठवला असल्याचेही त्यांनी माहिती दिली.आज कोकणातील शेतकरी दलालीला भिक न घालता थेट परदेशातील बाजारपेठ आपला माल पाठवत आहे हे निश्चितच कौतुकास्पद बाब आहे.

Web Title: The king of konkans sword is very heavy devgads harpoon is in demand in dubai

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com