राजकीय भाष्य थांबवा, अन्यथा…; शरद पवार गटाच्या प्रशांत जगतापांना धमकी

राष्ट्रवादी काँग्रेस शरदचंद्र पवार पक्षाचे पुणे शहराध्यक्ष व माजी महापौर प्रशांत जगताप यांना धमकीचा मॅसेज पाठविण्यात आल्याचे उघडकीस आले आहे. याबाबत प्रशांत जगताप यांनी गुन्हे शाखेकडे तक्रार दिली आहे.

Follow Us:

Follow Us:

पुणे : राष्ट्रवादी काँग्रेस शरदचंद्र पवार पक्षाचे पुणे शहराध्यक्ष व माजी महापौर प्रशांत जगताप यांना धमकीचा मॅसेज पाठविण्यात आल्याचे उघडकीस आले आहे. याबाबत प्रशांत जगताप यांनी गुन्हे शाखेकडे तक्रार दिली आहे. धमकी देणाऱ्या आरेपीस अटक करण्यात यावी, अशी मागणी त्यांनी केली आहे.

राष्ट्रवादी काँग्रेस पक्षात फूट पडल्यानंतर प्रशांत जगताप हे ज्येष्ठ नेते शरद पवार यांच्या गटात राहिले. राष्ट्रवादी काँग्रेस पक्ष आणि पक्षचिन्ह अजित पवार यांच्याकडे राहणार असल्याचा निकाल देण्यात आल्यानंतर जगताप यांनी टीका केली. दरम्यान, गेल्या चार दिवसांपासून जगताप यांना अनोळखी मोबाइल क्रमांकावरून धमकीचे संदेश पाठविण्यात येत आहे.

राजकीय भाष्य केल्यास गंभीर परिणाम होतील, अशी धमकी जगताप यांना देण्यात आली आहे. जगताप यांना धमकीचा मॅसेज पाठविल्यानंतर त्यांनी पोलिसांकडे तक्रार दिली. गेल्या चार दिवसांपासून धमकीचा संदेश अनोळखी मोबाइल क्रमांकावरुन पाठविण्यात येत आहे. मी राजकीय परिस्थितीवर टीका केली, तसेच आंदोलन केल्याने मला धमकावले जात आहे. पोलिसांनी या प्रकरणाचा सखोल तपास करून धमकी देणाऱ्यास अटक करावी, अशी मागणी जगताप यांनी केली आहे.

Web Title: Threat to prashant jagtap complaint to cyber police nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com