
FDA Tukaram Munde Action in pune
अन्न व औषध प्रशासनाने १ एप्रिल ते ३१ ऑक्टोबर २०२६ या कालावधीतील राज्यभरातील कारवाईची आकडेवारी जाहीर केली आहे. त्यानुसार पुणे विभागात तपासणी आणि जप्तीच्या कारवाईवर भर देण्यात आला. या काळात विभागातील २२४ आस्थापनांचे परवाने निलंबित करण्यात आले आहेत. राज्यातील सात विभागांच्या तुलनेत पुण्यातील तपासण्यांची संख्या सर्वाधिक आहे. तसेच गुन्हे दाखल करण्याच्या आणि अटक करण्याच्या बाबतीतही पुणे विभाग आघाडीवर आहे.
दूध आणि दुग्धजन्य पदार्थांच्या तपासणीत पुणे विभागात ३६२ आस्थापनांची तपासणी करून ४७३ नमुने घेण्यात आले. त्यापैकी सहा नमुने असुरक्षित आढळले. या कारवाईत १ लाख ५७ हजार ९६५ लिटर दूध जप्त करण्यात आले असून, त्याची किंमत ६६.७३ लाख रुपये आहे. या प्रकरणांत चार गुन्हे दाखल करून ४६ जणांना अटक करण्यात आली.
खाद्यतेलाच्या तपासणीत २४१ आस्थापनांची पाहणी करून २३३ नमुने घेण्यात आले. यामध्ये २२ परवाने निलंबित करण्यात आले असून, २ कोटी ६० लाख ७४ हजार रुपयांचा साठा जप्त करण्यात आला. मसाले व मसाल्याच्या पदार्थांच्या तपासणीत १९८ आस्थापनांची तपासणी करण्यात आली. त्यातून ३२१ नमुने घेण्यात आले. या कारवाईत ५ कोटी ६१ लाख ५० हजार रुपयांचा साठा जप्त झाला. हॉटेल, रेस्टॉरंट आणि धाब्यांवरील कारवाईत पुणे विभागातील १,५२८ आस्थापनांची तपासणी करण्यात आली. त्यापैकी ८६९ आस्थापनांना सुधारणा नोटिसा बजावण्यात आल्या, तर १२१ परवाने निलंबित करण्यात आले.
पुणे विभागातील FDAची कारवाई
कारवाईचा प्रकार – संख्या / रक्कम
Ans: अन्न व औषध प्रशासनाच्या कारवाईत २६ कोटी ३३ लाख रुपयांचा अन्नसाठा जप्त करण्यात आला.
Ans: १ एप्रिल ते ३१ ऑक्टोबर २०२६ या कालावधीत ६,९२४ आस्थापनांची तपासणी करण्यात आली.
Ans: या कालावधीत विविध प्रकरणांत ४०५ जणांना अटक करण्यात आली असून ३०४ गुन्हे दाखल करण्यात आले.