Maharashtra Breaking News Today 07.11.2026
07 Nov 2026 09:00 AM (IST)
मध्य प्रदेशातील प्रसिद्ध पर्यटनस्थळ पचमढी (Pachmarhi) येथे पर्यटनासाठी गेलेल्या नागपूरच्या एका शिक्षकाचा खोल दरीत पडून दुर्दैवी मृत्यू झाल्याची धक्कादायक घटना शुक्रवारी घडली आहे. विजय नाईक (वय ४०) असे मृत शिक्षकाचे नाव असून, ते नागपुरातील रामदासपेठ येथील सोमलवार शाळेत (Somalwar School) शिक्षक म्हणून कार्यरत होते. पर्यटनाचा आनंद लुटत असताना घडलेल्या या अपघातामुळे सोमलवार शाळा व्यवस्थापनासह नागपूर शहरात तीव्र हळहळ व्यक्त केली जात आहे.
07 Nov 2026 08:50 AM (IST)
त्र्यंबकेश्वर तालुक्यातील सापगाव येथे एका १८ वर्षीय तरुणाची अतिशय क्रूरपणे हत्या करण्यात आल्याची धक्कादायक घटना समोर आली आहे. बहिणीसोबत असलेल्या प्रेमसंबंधाच्या रागातून भावानेच या तरुणाचा गेम उधळल्याचा प्राथमिक अंदाज पोलिसांकडून व्यक्त केला जात आहे. आर्यन सोमनाथ कांबळे (१८) असे मृत तरुणाचे नाव आहे. या प्रकरणी त्र्यंबकेश्वर पोलिसांनी तात्काळ कारवाई करत संशयित आरोपी आदित्य मोंढे (२०) याला बेड्या ठोकल्या आहेत.
07 Nov 2026 08:40 AM (IST)
भारत आणि न्यूझीलंड (India vs New Zealand) यांच्यातील तीन सामन्यांच्या एकदिवसीय मालिकेतील दुसरा सामना आज वेलिंग्टनच्या हेनरी स्टेडियमवर (Hagley Oval / Basin Reserve मैदान) खेळवला जात आहे. मात्र, सामन्याच्या सुरुवातीलाच पावसाने व्यत्यय आणल्यामुळे नाणेफेकीला (Toss) उशीर झाला.
पावसाचा प्रभाव ओसरल्यानंतर पंचांनी परिस्थिती पाहणी करून सामना ४७-४७ षटकांचा खेळवण्याचा निर्णय घेतला. भारतीय संघाचा कर्णधार शुभमन गिल (Shubman Gill) याने नाणेफेक जिंकून प्रथम गोलंदाजी करण्याचा (Bowling) निर्णय घेतला आहे.
Maharashtra to World Breaking News :
गोकुळ दूध संघात शासकीय सदस्यांना मतदानाचा अधिकार देण्यावरून राजकीय वातावरण तापले आहे. राज्य सरकारच्या या निर्णयाविरोधात काँग्रेस आमदार सतेज पाटील यांनी ९ नोव्हेंबरला कोल्हापुरात आंदोलनाची हाक दिली आहे.
पुणे जिल्ह्यातील मुळशी (तम्हाणी) आणि पाबे घाट परिसरात दरड कोसळल्याने रस्ते वाहतुक विस्कळीत झाली आहे. आपत्ती व्यवस्थापन यंत्रणा सतर्क झाल्या असून त्यांनी दरड हटवण्याचे काम सुरु केल आहे. राष्ट्रवादी काँग्रेस (अजित पवार गट) व शरद पवार गटाच्या वरिष्ठ नेत्यांमध्ये दिवाळीच्या पार्श्वभूमीवर बैठकांचे सत्र सुरू असल्याची माहिती समोर आली आहे.
दिवाळीनंतर सोन्या-चांदीच्या दरात पुन्हा सौम्य घसरण झाल्याचा पाहायला मिळाले आहे. तर आंतरराष्ट्रीय बाजारात कच्च्या तेलाच्या किमती स्थिर झाल्या आहेत. वेस्ट आशियातील तणाव कायम असून आंतरराष्ट्रीय ऊर्जा संस्थेकडून जागतिक तेल पुरवठ्यावर देखरेख वाढवण्याची घोषणा करण्यात आली आहे. भारतीय युवा क्रिकेटपटू वैभव सूर्यवंशीची युवा भारतीय संघाच्या कर्णधारपदी निवड करण्यात आली आहे.
.png "Videos"){kind=small}
