घरगुती गॅस सिलेंडरचा व्यावसायिक वापर करणे हा कायद्याने गुन्हा मानला जात असल्याने पुरवठा विभागाने तात्काळ कारवाई करत संबंधितांवर गुन्हा दाखल करण्याची प्रक्रिया सुरू केली. या प्रकरणी पेल्हार पोलीस ठाण्यात भारतीय न्याय संहिता (बीएनएस) तसेच पेट्रोलियम कायद्यान्वये गुन्हा दाखल करण्यात आला आहे.या कारवाईदरम्यान फारुख अहमद खान (57), जाकीर कासम जगरार (51) आणि शरीफ मोहम्मद (48) या तिघांना पोलिसांनी अटक केली आहे. सध्या या प्रकरणाचा अधिक तपास सुरू आहे.दरम्यान, सध्या सुरू असलेल्या गॅस टंचाईच्या काळात काही व्यावसायिकांकडून घरगुती गॅस सिलेंडरचा गैरवापर होण्याची शक्यता नाकारता येत नाही. त्यामुळे अशा प्रकारचे गैरप्रकार आढळल्यास नागरिकांनी तात्काळ पुरवठा विभागाला माहिती द्यावी, असे आवाहन प्रशासनाकडून करण्यात आले आहे.
सरकारच्या निर्देशांनुसार, रुग्णालये, शैक्षणिक संस्था व सार्वजनिक सेवांना 100 टक्के गॅस पुरवण्यात येईल. स्मशानभूमी, वृद्धाश्रम व अनाथाश्रमांनाही 100 टक्के गॅस पुरवठा करण्यात येईल. तर उपहारगृहे, संरक्षण क्षेत्र, शासकीय व सार्वजनिक क्षेत्र, रेल्वे, हवाई वाहतूक, पोलिस/तुरुंग यांना 70 टक्के गॅसचा पुरवठा केला जाईल. याशिवाय एसटी महामंडळ, औषध उद्योग, बीज प्रक्रिया व मत्स्यपालन क्षेत्राला 50 टक्के गॅस पुरवठा करण्याची मर्यादा सरकारने आखून दिली आहे.
