नागपूर : अग्निपथ (Agneepath) विरोधात काँग्रेस (Congress ) राज्यात आणि देशभरात चांगलेच आक्रमक (Aggressive ) झाले असून ठिकठिकाणी आंदोलनाला सुरुवात झाली आहे. नागपुरात आज पाच ठिकाणी काँग्रेसने अग्निपथ विरोधात (Congress against Agneepath) आंदोलन केले आहे. नागपूरच्या मेडिकल चौकात (Medical Chowk of Nagpur) झालेल्या आंदोलनात कार्यकर्ते अग्निपथ विरोधात (Activists against Agneepath) चांगलेच आक्रमक झाल्याचे चित्र पाहायला मिळाले आहे.
या आंदोलनाचे नेतृत्व आमदार विकास ठाकरे यांनी केले आहे. ज्याप्रमाणे देशात शेतकऱ्यांसाठी केलेले काळे कायदे केंद्र सरकारला वापस घ्यावे लागले, त्याप्रमाणे अग्निपथ योजनासुद्धा केंद्राला परत घेण्यास आम्ही भाग पाडू असा प्रबळ विश्वास या वेळी आंदोलन कर्त्यामध्ये दिसला आहे. या योजनेच्या विरोधात संपूर्ण देशभरात अशाच प्रकारचे तीव्र आंदोलन केले जाईल, असे यावेळी आमदार विकास ठाकरे (MLA Vikas Thakery ) यांनी सांगितले.






