खासदारकीपेक्षा तहसीलदार झालो असतो तर बरं झालं असतं; विशाल पाटील असं का म्हणाले?

सुरुवातीला कायदा व सुव्यवस्थेच्या प्रश्नावर चर्चा झाली. या चर्चेत गांजा, नशेच्या गोळ्या, मटका, जुगार, वाहतूक व्यवस्था व पोलिसांची सामांन्याशी वागणूक या विषयावर प्रहार केला. जतला पाण्याचे जाणवत आहे. पिण्याच्या पाण्याचे दुर्भीक्ष नियोजन चांगले व्हावे. म्हैसाळचे पाणी जास्तीत जास्त गावांना पोहोच करण्याचे नियोजन करून, बिले टंचाईतून भरावीत असा ठराव माजी आमदार विक्रम सावंत यांनी मांडला.

जिल्हा बँकेचे संचालक प्रकाशराव जमदाडे यांनी म्हैसाळ आवर्तनाचे पाणी ४५० ते ४८० क्युसेसने देण्याची मागणी केली. म्हैसाळ सहा अ. ब. या दोन विभागात पाणी देण्यासाठी ४५० क्युसेसचा विसर्ग असायला हवा. शेतमालाची वाहने अडवून पिळवणूक होण्याचे प्रकार वाढीस लागले आहेत, याकडे प्रशासनाने लक्ष द्यावे, अशी अपेक्षा व्यक्त केली.

महसूल की दलालांचा अड्डा

बैठकीत महसुलच्या कारभारावर मात्र पदाधिकाऱ्यांनी जोरदार ताशेरे ओढले. पन्नास रूपयांपासून ते एक लाखापर्यंत येथे मागणी वाढली आहे. कुठलाही कागद पैशाशिवाय हालत नाही. अहो, फेरफार काढायला पन्नास रूपये घेतले, एका कामासाठी थेट पाचशे दिले, पाच रूपयाचे तिकीट दहा रूपयाला आणि शंभराचा स्टँप एकशे वीस रूपयाला, अशा तक्रारी नागरिकांनी केल्या. तालुक्यात महसूल विभागाला कुणी आवर घालायला तयार नाही. कुठल्याही विभागात जावा, तिथे लक्ष्मीदर्शन झाल्याशिवाय कागद हालत नसल्याचा आरोप करण्यात आला.

खातेफोड कामात पिळवणूक

प्रांत आणि सामाजिक कार्यकर्ते विक्रम ढोणे यांच्यात जोरदार खडाजंगी झाली. माजी जिल्हा परिषद सदस्य महादेव पाटील यांनी तर थेट १५५ खाली सातबारा दुरूस्तीची कैफीयत मांडत चूक तुमची आणि दुरूस्तीचा नवा धंदा झाल्याचा गंभीर आरोप केला. गौण खनिज, वारस नोंद, फेरफार दुरूस्ती, खातेफोड कामात लोकांची किती पिळवणूक होते, याची उदाहरणे त्यांनी दिली.

एका महिन्यात बदल दिसेल : नष्टे

प्रांत नष्टे यांनी यावर आपण एका महिन्यात सारे बदल दिसतील. तलाठी गावात राहतील. सर्व विभागात कोणत्या कामासाठी किती पैसे व वेळ याचे फलक दिसतील. सोमवारीच टंचाईची बैठक घेवून त्याचे नियोजन करण्याचे अश्वासन दिले.

जतकरांना त्रास होवू देवू नका

जत तालुका दुष्काळी आहे. या विभागाला प्रशासनाने वेठीस धरू नये. विशेषतः महसूल विभागाने याची नोंद घ्यावी. टंचाईचे नियोजन चांगले करा, लोकांना व जनावरांना पिण्याचे पाणी उपलब्ध करून द्यावे. इथल्या कांही महत्वाच्या समस्या, धोरणात्मक निर्णय यासंदर्भात मी वरीष्ठ पातळीवर बोलेन परंतु तालुक्याला कसलाही त्रास होता कामा नये. पुढच्या दोन महिन्यात पुन्हा बैठक घेवून आढावा घेऊ, असेही खासदार पाटील यांनी स्पष्ट केले.

संबंधित बातम्या