Photo Credit- Social Media
नागपूर : महाराष्ट्रात आगामी विधानसभा निवडणुकीच्या तयारीसाठी भारतीय जनता पक्षाने जीवाची बाजी लावली आहे. महाराष्ट्राचा गड राखण्यासाठी केंद्रीय गृहमंत्री अमित शाह हेदेखील दोन दिवसांच्या विदर्भ दौऱ्यावर आले आहेत. या दोन दिवसांत ते विदर्भातील सर्व 62 मतदारसंघांचा आढावा घेणार आहेत. पण त्याच वेळी विदर्भातील भाजपचे प्रमुख नेते नितीन गडकरी मात्र नागपुरात नाही. भाजपच्या बैठकीलाही ते हजर राहणार नाहीत. जम्मू-कश्मीरमध्ये सुरू असलेल्या निव़डणूक प्रचारासाठी नितीन ग़डकरी जम्मू-कश्मीरला गेल्याचे सांगितले जात आहे. पण नितीनहडकरी यांना जाणीवपूर्वक राज्याच्या निवडणुकीपासून दूर ठेवले जात आहे का,असा प्रश्न आता उपस्थित होऊ लागला आहे.
हेही वाचा: बदलापूरला न्यायचे होते तर गाडी मुंब्राकडे का नेली…; सुषमा अंधारेंनी त्या मुद्दयाकडे वेधले लक्ष
खरंतर गेल्या 10 वर्षांपासून विदर्भ हा भाजपचा बालेकिल्ला मानला जातो. या भागात विधानसभेच्या 62 जागा असून संपूर्ण विदर्भातील बहुतांश जागांवर नितीन गडकरी यांचा मोठा प्रभाव आहे. पण काही महिन्यांपूर्वी झालेल्या लोकसभा निवडणुकीत माभ भाजपला विदर्भात मोठा फटका बसला. महाविकास आघाडीला विदर्भात मोठ्या प्रमाणात जागा मिळाल्या, तर भाजपच्या पदऱी फक्त निराशाच पडली. पण विधानसभा निवडणुकीत असेच चित्र दिसून नये म्हणून नितीन गडकरी यांना सोबत घेण्यासाठी भाजपमधून प्रयत्न सुरु होते. नितीनगडकरी यांनाही निवडणुकीच्या प्रचारात सामील करून घेतले जाऊल, असे भाजपचे प्रदेशाध्यक्ष चंद्रशेखर बानवकुए यांनी ही म्हटले होते. पण प्रत्यक्षात मात्र वेगळेच दिसून येत आहे.
हेही वाचा: 6 वर्षीय मुलीकडे मुख्याध्यापकाची शारीरिक संबंधाची मागणी, मुलीने नकार दिला अन् अखेर
विदर्भातील निवडणुकीसाठी रणनीती ठरवण्यासाठी अमित शाह आज नागपुरात असताना नितीन गडकरी मात्र जम्मू-कश्मीरात आहेत. त्यांचा हा दौरा पूर्वनियोजित होता की त्यांना या बैठकीचे निमंत्रणच देण्यात आले नाही, असा सवाल कार्यकर्त्यांकडून व्यक्त केला जात आहे. दरम्यान, दोन-तीन दिवसांपूर्वी खुद्द पंतप्रधान नरेंद्र मोदी देखील वर्ध्यात आले होते. पण त्यावेळीही नितीन गडकरी तिथे उपस्थित नव्हते. त्यामुळे नितीन गडकी यांना जाणीवपूर्वक महाराष्ट्र निवडणुकीपासून दूर ठेवलं जात आहे का, असा सवाल कार्यकर्त्यांकडून उपस्थित होत आहे.
