वरळी हिट अँड रनप्रकरणी मोठी अपडेट; शिंदे गटाच्या उपनेत्याच्या मुलावर गुन्हा दाखल

मुंबईतील वरळीतील मासळी बाजारात मासे आणण्यासाठी निघालेल्या एका कोळी दाम्पत्याला पहाटे साडेपाचच्या सुमारास एका चारचाकी गाडीने उडवल्याची धक्कादायक घटना घडली आहे.

मुंबईतील वरळीतील हिट अँड रन  प्रकरणात  शिंदे गटाचे उपनेते  राजेश शहा यांना पोलिसांनी ताब्यात घेतले आहे. राजेश शहा यांच्या मुलगा मिहीर शहा यांच्या मुलाकडून हा प्रकार घडला आहे.  मुलगा फरार असल्याने पोलिसांनी राजेश शहा यांना ताब्यात घेतले आहे.  अपघात झाला तेव्हा गाडीमध्ये मिहीर आणि त्यांचा  ड्रायव्हर  गाडीत असल्याची माहिती समोर आली आहे.

राजेश शहा हे पालघरमधील शिवसेनेचे उपनेते आहेत.  वरळीत पहाटे हा अपघात झाला त्यावेळी  पांढऱ्या रंगाच्या बीएमडब्ल्यू गाडीत शिंदे गटातील उपनेते राजेश शहा यांचा मुलगा आणि ड्रायव्हर हे दोघे गाडीत होते.

दरम्यान, मुंबईतील वरळीतील मासळी बाजारात मासे आणण्यासाठी निघालेल्या एका कोळी दाम्पत्याला पहाटे साडेपाचच्या सुमारास एका चारचाकी गाडीने उडवल्याची धक्कादायक घटना घडली आहे. या अपघातात  महिलेचा जागीच मृत्यू झाला. तर  अपघातानंतर चालक घटनास्थळावरुन फरार आहे.  वरळी पोलीस त्याचा शोध घेत आहेत.

वरळीत अॅट्रिया मॉलजवळील वरळी कोळीवाडा परिसरात राहणारे नाकवा हे कोळी दाम्पत्य आज पहाटे साडेपाचच्या सुमारास माशांच्या घेण्यासाठी ससून डॉकला जाण्यासाठी घराबाहेर पडले.  मासे घेऊन दुचाकीवरुन परतत असताना  एका चारचाकी गाडीने त्यांच्या दुचाकीला धडक दिली. दाम्पत्याकडे खूप सामान आणि मासे  असल्याने महिलेच्या पतीचे दुचाकीवरचे नियंत्रण सुटले आणि दोघेही चारचाकी गाडीच्या बोनेटवर पडले. महिलेच्या पतीने  बोनेटवरुन बाजूला उडी मारली. पण महिलेला स्वतःला बाजूला होता आलं नाही.

पण  अचानक झालेल्या या प्रकारामुळे चारचाकी वाहनचालक चांगलाच घाबरला आणि त्याने तिथून पळ काढला. यात त्याने बोनेटवर पडलेल्या कोळी महिलेलाही फरफटत नेले. या अपघातात पती बचावले मात्र  महिलेल्या रुग्णालयात दाखल करण्यापूर्वीच त्यांचा मृत्यू झाला होता. चारचाकी खाली आल्याने महिलेचा चिरडून मृत्यू झाला. पण या प्रकारानंतर चारचाकीचा मालक फरार आहे. वरळी पोलिस त्याचा शोध घेत आहेत.