इस्लामपूर : ‘माझ्या गॅंगमध्ये सहभागी का होत नाहीस?’ असे म्हणत शहरातील सराईत गुन्हेगार प्रकाश महादेव पुजारी (वय २४) याचा मंगळवारी मध्यरात्री डोक्यात धारधार शस्त्राने वार करून त्याच्या मित्रांनीच खून (Murder) केला. या प्रकारानंतर एकच खळबळ (Islampur Crime) माजली आहे.
इस्लामपुरातील नवीन बहे नाका परिसरातील चौकात मल्हार बार समोर हा प्रकार घडला. खुनानंतर हल्लेखोरांनी घटनास्थळावरून पलायन केले आहे. मृत प्रकाशचे गुन्हेगारी क्षेत्रातील मित्र गजराज पाटील, सागर ऊर्फ चकल्या म्हस्के, अकीब पटेल व त्यांचा अनोळखी एक साथीदार यांनी चॉपर व दगड विटांनी हल्ला चढवला.
प्रकाश पुजारी हा संशयित गजराज पाटील व त्याचे साथीदार हे त्याचे गँगमध्ये सामिल होत नाही म्हणून प्रकाशवर खुन्नस ठेवून होते. या कारणाचा राग मनात धरून सतत धुसफूस सुरू होती. प्रकाश त्याच्या मित्रांच्या सोबत बारमध्ये दारू पित बसला होता. तेथे येवून गजराज पाटील याने प्रकाश बरोबर वादावादी केली. त्यानंतर गजराजने प्रकाशच्या डोक्यावर हल्ला चढवला. तर सागर ऊर्फ चकल्या म्हस्के, अकीब पटेल व त्यांचा अनोळखी साथीदार यांनी लाथाबुक्यांनी आणि दगड व विटाने मारहाण करून त्याचा खून केला. याबाबतची फिर्याद रोहन रविंद्र इच्चुर याने दिली.
गजराज पाटील, सागर ऊर्फ चकल्या म्हस्के, अकीब पटेल व त्यांचा अनोळखी एक साथीदार यांच्यावर इस्लामपूर पोलीस ठाण्यात खुनाचा गुन्हा दाखल करण्यात आला आहे. रात्री इस्लापूर पोलिसांनी तातडीने घटनास्थळी धाव घेतली. आरोपींच्या शोधाशोध करण्यासाठी पथके रवाना झाली आहे.
.png "Videos"){kind=small}
