बॉलिवूड अभिनेता आमिर खानचा ‘लाल सिंग चड्ढा’ हा चित्रपट बॉक्स ऑफिसवर अपयशी ठरला. चित्रपटाच्या प्रदर्शनापूर्वी अनेक नेटकऱ्यांनी सोशल मीडियावर आमिर खानच्या चित्रपटावर बहिष्कार टाकण्याची मागणी केली होती. बॉयकॉट लाल सिंग चड्ढा हा ट्रेंडही सोशल मीडियावर व्हायरल झाला आहे. याचा परिणाम चित्रपटाच्या बॉक्स ऑफिस कलेक्शनवर झाला. यानंतर आता ज्या लोकांनी हा चित्रपट चित्रपटगृहात पाहिला नाही त्यांना आता हा चित्रपट घरबसल्या पाहता येणार आहे. ‘लाल सिंग चड्ढा’ हा चित्रपट ओटीटी प्लॅटफॉर्मवर प्रदर्शित होत आहे.
हा चित्रपट 20 ऑक्टोबरला नेटफ्लिक्सवर प्रदर्शित होणार असल्याचे सांगण्यात येत आहे. ‘लाल सिंग चड्ढा’ हा चित्रपट ‘फॉरेस्ट गंप’ या हॉलिवूड चित्रपटाचा रिमेक आहे. हा चित्रपट 11 ऑगस्ट 2022 रोजी प्रदर्शित झाला. या चित्रपटाची निर्मिती आमिर खान प्रॉडक्शन, किरण राव, वायाकॉम 18 स्टुडिओज यांनी केली आहे. या चित्रपटाने पहिल्या दिवशी 11.70 कोटी, दुसऱ्या दिवशी 7.26 कोटी आणि तिसऱ्या दिवशी 8.5 कोटींची कमाई केली आहे. आमिरसोबत या चित्रपटात करीना कपूर, मोना सिंग आणि अभिनेता नागा चैतन्य यांच्याही महत्त्वाच्या भूमिका आहेत.
यावेळी, प्रेक्षक थिएटरऐवजी ओटीटीवर चित्रपट पाहण्यास प्राधान्य देतात. चित्रपटगृहांमध्ये चित्रपटाला प्रेक्षकांचा प्रतिसाद मिळाला नाही, तर प्रेक्षक चित्रपट OTT वर पाहतात. काही दिवसांपूर्वी अभिनेत्री तापसी पन्नूचा शाबास मिठू हा चित्रपट प्रदर्शित झाला होता. या चित्रपटाने बॉक्स ऑफिसवर फारशी कमाई केली नाही पण नेटफ्लिक्सवर प्रदर्शित झाल्यानंतर हा चित्रपट भारतात पहिल्या क्रमांकावर ट्रेंड करू लागला.
.png "Videos"){kind=small}
