Bigg Boss Marathi 6 : सगळ्यांना खळखळून हसवणारा ‘कॉमेडी किंग’ घराबाहेर! रितेशचे ते प्रश्न? आणि गेम पालटला!

Bigg Boss Marathi चा खेळ अंतिम टप्प्यात पोहोचताच स्पर्धा अधिक रंगतदार झाली आहे. या आठवड्यात सागर कारंडे यांचा अनपेक्षित Eviction झाला.

• अनेक नॉमिनेशनच्या फेऱ्यांनंतर खेळाला आता रंगत आली आहे.
• एकेक करून घरातले बाजीगर घर खाली करत आहेत.
• मन जरी दाटलेले असले तरी निघताना चेहऱ्यावर समाधानाचे हसू!

बिग बॉस मराठी 6 अनेक वळणांनंतर शेवटच्या टप्प्यावर येऊन थांबला आहे. अनेक नॉमिनेशनच्या फेऱ्यांनंतर खेळाला आता रंगत आली आहे. खेळ आता काहीच आठवड्यात संपणार आहे. खेळातील महत्वाचे आणि Powerful सदस्य सध्या एकमेकांशी लढा देत आहेत. दरम्यान, या लढ्याला खिंड पडत आहे कारण एकेक करून घरातले बाजीगर घर खाली करत आहेत. आज आठवड्यातला शेवटचा दिवस! आजच्या दिवशी घरातून एक सदस्य घराबाहेर जातो आणि खेळातून हद्दपार होतो. यंदाच्या आठवड्यात खेळाच्या अगदी शेवटच्या टप्प्यात पोहचून सागर कारंडे Evict झाला आहे.

एका सिनेमासाठी घेतो कोटींची रक्कम! सलमान खान दिसून आला फाटक्या बुटात; चाहत्यांमध्ये चर्चेला उधाण

सागरचे घराबाहेर जाणे त्याच्या चाहत्यांसाठी फार मोठा धक्का आहे. परंतु, महाराष्ट्राचा कौल हेच सांगत होता. सागरचा बिग बॉस मराठीच्या सहाव्या पर्वातील प्रवास आज थांबला आहे. घराबाहेर होताना घरातील अनेक सदस्य भावुक दिसून आले. सागर कारंडे खेळाच्या उत्तरार्धात टोळीच्या सोबत दिसून येत होते. त्यामुळे सागरला निरोप देताना टोळीतील सदस्य फार भावुक झाले. अनुश्रीच्या डोळ्यांचा पाझर फुटला तर विशालने अश्रू ढाळले. परंतु, मन जरी दाटलेले असले तरी सागरच्या चेहऱ्यावर निघताना समाधानाचे हसू होते आणि घरातल्या सदस्यांसाठी कृतज्ञता आणि आभार होते.

Dhurandhar 2 : स्वतः पंतप्रधानांनी केली सिनेमाची स्तुती? धुरंधरसह ‘या’ दोन सिनेमांना मोदींचे समर्थन

See more

रितेशचे ते प्रश्न? आणि गेम पालटला!

Eviction पूर्वी मंचावर विशाल कोटियन आणि सागर कारंडे उभे होते. त्यावेळी रितेशने घरातील सदस्यांचा कौल कुणाकडे? हे पाहण्यासाठी त्यांना प्रश्न केला की, “काय वाटतं? कोण असेल Safe” तेव्हा घरातील बहुतेक सदस्यांना वाटले की यंदा विशाल कोटियन घराबाहेर जाईल. गेल्या आठवड्यात राकेशसोबत झालेल्या मुद्द्यावरून महाराष्ट्राचा कौल विशालच्या बाजूने नसेल असे घरातील बहुतेक सदस्यांना वाटत होते पण जेव्हा Eviction ची वेळ आली तेव्हा सागर कारंडे घराबाहेर पडले. यावेळी महाराष्ट्राचा कौल विशालकडेच होता. घरातील सदस्यांना एक आश्चर्याचा धक्का बसला.