गुरुवार, 12 नोव्हेंबर 2026
Bigg Boss फेम अभिनेत्रीचं टेलिव्हिजनसाठी भावुक पत्र! अभिनेत्रीची इन्स्टा पोस्ट चर्चेत
प्रेक्षक कायमच आपलं मनोरंजन कशापद्धतीने होईल ? याकडे नेहमीच लक्ष देतात. अलीकडच्या काळात सिनेरसिकांचा कल ओटीटीकडे आहे. ओटीटीवर प्रेक्षकांना ओरिजनल ओटीटी कंटेंट आणि थिएटरमध्ये रिलीज झालेले चित्रपट पाहायला मिळतात. शिवाय वेबसीरीज, वेबफिल्म आणि वेबशोही पाहायला मिळतात. पण इतक्यातही प्रेक्षक टेलिव्हिजनवरील कंटेंट पाहणं काही कमी करत नाहीये. येत्या २१ नोव्हेंबरला टेलिव्हिजन डे आहे. ‘जागतिक टेलिव्हिजन डे’च्या निम्मिताने ‘सावळ्याची जणू सावली’ मालिकेत भैरवीची भूमिका गाजवत असलेली अभिनेत्री मेघा धाडेने एक अनोख्या रितीने टेलिव्हिजनचे आभार व्यक्त केले आहे.
“आपला मतदानाचा हक्क बजावा…” बिग बॉस फेम अभिनेत्याचे चाहत्यांना आवाहन
शेअर केलेल्या पोस्टमध्ये अभिनेत्री मेघा धाडेने ‘जागतिक टेलिव्हिजन डे’चं निमित्त साधत टेलिव्हिजनला उद्देशून भावुक पत्र लिहिलं आहे. शेअर केलेल्या पोस्टमध्ये अभिनेत्री मेघा धाडे म्हणते, “प्रिय टीव्ही, नमस्कार! मी मेघा धाडे, तुझी एक छोटीशी चाहती आणि सखी. तू माझ्या घरातली एक वस्तू नाहीस, तर एक खास आणि महत्वाचा सदस्य आहेस. आज मी माझ्या मनातील तुझ्याविषयीच्या भावना व्यक्त करताना तुला एक पत्र लिहित आहे. आपल्याला असं कधी बोलताच आलं नाही कारण, तू नेहमी माझ्या घरातल्यांचं मनोरंजन करण्यासाठी आपलं जीव व्यतीत करत आला आहेस. तुझ्यामुळे मला अनेक गोष्टी अनुभवायला मिळाल्या आहेत. माझ्या घरातल्या प्रत्येक क्षणात उपस्थित राहिलास तू. तुझ्यामुळे मी घराघरांत पोहोचले, लहानपणी जिच्याजवळ एक कुटुंब होतं आज तेच कुटुंब शेकडो-करोडो लोकांचं झालंय.”
View this post on Instagram
“एका सामान्य कुटुंबातून आलेली मेघा आज तुझ्या साथीने सर्वांची लाडकी झाली. प्रेक्षकांचं प्रेम आणि समाजामध्ये सन्मान मिळत आहे. त्याच्यासाठी मी तुझी ऋणी आहे. आजही तुझ्या साथीने इतक्या वर्षानंतर जेव्हा मालिकांमध्ये परतायचं ठरवलं तेव्हा ‘सावळ्याची जणू सावली’ या मालिकेसारख्या उत्कृष्ट कलाकृतीतून तू मला पुन्हा घरोघरी पोहोचवलंस. तुझ्या माध्यमातून मी अनेक कथा पाहिल्या, विविध पात्रांमध्ये रंगले आणि त्या पात्रांच्या आनंदात, दु:खात, संघर्षात सहभागी झाले. एक अभिनेत्री म्हणून जेव्हा मी स्वतःला टेलिव्हिजन स्क्रीनवर पहिल्यांदा पाहिलं होतं तो आनंद वेगळाच होता. तुझ्या स्क्रीनवर जेव्हा मी उत्कृष्ट अभिनय करणाऱ्या कलाकारांना, मालिका, चित्रपट बघते तेव्हा त्यातल्या कलाकारांची, अभिनयाची, प्रशंसा अनेकदा केली आहे.”
‘साहिबा’ गाण्यासाठी अभिनेत्री राधिका मदनने काय तयारी केली ? केला स्वत: खुलासा
“पण, तुझं कौतुक क्वचितच कधी केलं असावं. तुझ्या माध्यमातून मला प्रेक्षकांच्या प्रेमाची अनुभूती मिळते. कधी एकटेपणातही तुझीच साथ असते. तू घरात असताना, प्रत्येक क्षण खास असतो. आपण दोघांनी अनेक आठवणी तयार केल्या आहेत. तुला धन्यवाद देण्यासाठी शब्द कमी पडतील कदाचित, पण तुझ्या उपस्थितीमुळे माझे जीवन अधिक रंगीत झाले आहे. तुझी सखी, मेघा धाडे.” दरम्यान, अभिनेत्री मेघा धाडे हिने ‘सावळ्याची जणू सावली’मालिकेच्या माध्यमातून टिव्ही इंडस्ट्रीत पुनरागमन केलं. या मालिकेत मेघाने भैरवी हे खलनायिकेचं पात्र साकारत आहे. तिच्या या भूमिकेला प्रेक्षकांकडून भरघोस प्रतिसाद मिळत आहे.
