गुरुवार, 12 नोव्हेंबर 2026
पुणे-मुंबईत खळबळ! पीएमसीच्या अधिकृत ई-मेलवर बॉम्ब हल्ल्याचा इशारा
PMC Bomb Threat Email: पुणे महानगरपालिकेच्या (PMC) अधिकृत ई-मेल आयडीवर गुरुवारी (दि. १२) दुपारी १ वाजून १६ मिनिटांनी बॉम्बस्फोटाची धमकी देणारा ई-मेल प्राप्त झाला आहे. या ई-मेलमध्ये पुणे महानगरपालिकेची मुख्य इमारत आणि महापौर कार्यालय उडवून देण्याची धमकी देण्यात आली आहे. यासोबतच मुंबईतील महत्त्वाची ठिकाणे, आंतरराष्ट्रीय विमानतळ आणि ज्येष्ठ अभिनेते अमिताभ बच्चन यांच्या निवासस्थानालाही लक्ष्य करण्याचा इशारा देण्यात आला आहे.
या धमकीच्या ई-मेलमध्ये मुंबईतील अमिताभ बच्चन यांचे निवासस्थान असलेल्या ‘जलसा’ बंगल्यावर रात्री ९ वाजून ११ मिनिटे ते पहाटे ५ वाजून ११ मिनिटांच्या दरम्यान कार बॉम्बने हल्ला करण्याची धमकी देण्यात आली आहे. इतकंच नाही तर, १९८४ च्या शीखविरोधी दंगलींचा उल्लेख करत त्याचा बदला घेण्यासाठी ३१ डिसेंबरपर्यंत अमिताभ बच्चन यांची हत्या करण्याची धमकीही या संदेशात दिली आहे.
मुंबईतील छत्रपती शिवाजी महाराज आंतरराष्ट्रीय विमानतळावर रात्री ९ वाजून १२ मिनिटांनी बॉम्बस्फोट घडवून आणण्याचा उल्लेख या ई-मेलमध्ये आहे. तसेच, येत्या २७ नोव्हेंबर रोजी मुंबईतील महालक्ष्मी रेसकोर्स येथे होणाऱ्या पंजाबी गायक दिलजीत दोसांझ याच्या कॉन्सर्टमध्ये आयफोनच्या (iPhone) माध्यमातून स्फोट घडवण्याची धमकी देत नागरिकांनी या कार्यक्रमाला जाऊ नये, असे आवाहनही यात केले आहे. याशिवाय मुंबईतील न्यायालये आणि बँकांनाही लक्ष्य करण्याची धमकी देण्यात आली आहे.
ई-मेलच्या शेवटी ‘खलिस्तान नॅशनल आर्मी’ असे नाव लिहिले असून, इंजिनिअर गुरानाख सिंह रुकन शाहवाला आणि डॉ. गुरनिर्वैर सिंह खान राजादा यांच्या नावांचाही उल्लेख करण्यात आला आहे.
सध्या या ई-मेलमधील दाव्यांची सत्यता आणि हा ई-मेल कोणी व कोठून पाठवला, याचा तपास यंत्रणांकडून शोध घेतला जात आहे. पोलीस प्रशासनाची अधिकृत प्रतिक्रिया आणि सुरक्षा तपासणीचा तपशील अद्याप समोर आलेला नाही.
मुंबईला बॉम्बने उडवून देण्याची धमकी देणारा ईमेल पुन्हा एकदा मिळाला असून शहरातील सुरक्षा यंत्रणा सतर्क झाल्या आहेत. काही दिवसांपूर्वीच देशाची आर्थिक राजधानी असलेल्या मुंबईतील महत्त्वाच्या ठिकाणांना बॉम्बने उडवून देण्याची धमकी देण्यात आली होती. या घटनेला आठवडा उलटण्याआधीच गुरुवारी (१२ नोव्हेंबर) पुन्हा धमकीचा ईमेल आल्याने खळबळ उडाली आहे.
मिळालेल्या माहितीनुसार, या नव्या धमकीच्या ईमेलमध्ये मुंबई महापौर कार्यालय, शहरातील बँक, न्यायालय, बॉलिवूड अभिनेते अमिताभ बच्चन यांचा जुहू येथील जलसा बंगला, महालक्ष्मी रेसकोर्स आणि छत्रपती शिवाजी महाराज आंतरराष्ट्रीय विमानतळाचा उल्लेख करण्यात आला आहे. या महत्त्वाच्या ठिकाणांना बॉम्बने उडवून देण्याची धमकी मेलमध्ये देण्यात आल्याचे समोर आले आहे.
Ans: या ई-मेलमध्ये पुणे मनपाची मुख्य इमारत व महापौर कार्यालय, अमिताभ बच्चन यांचे मुंबईतील 'जलसा' निवासस्थान, मुंबई आंतरराष्ट्रीय विमानतळ, २७ नोव्हेंबरचा दिलजीत दोसांझचा कॉन्सर्ट तसेच मुंबईतील न्यायालये व बँकांना लक्ष्य करण्याची धमकी देण्यात आली आहे.
Ans: 'जलसा' बंगल्यावर रात्री ९:११ ते पहाटे ५:११ दरम्यान कार बॉम्बने हल्ला करण्याची आणि १९८४ च्या शीखविरोधी दंगलींचा उल्लेख करत ३१ डिसेंबरपर्यंत अमिताभ बच्चन यांची हत्या करण्याची धमकी या ई-मेलमध्ये दिली आहे.
Ans: येत्या २७ नोव्हेंबर रोजी मुंबईतील महालक्ष्मी रेसकोर्स येथे होणाऱ्या दिलजीत दोसांझच्या कार्यक्रमात आयफोनच्या (iPhone) माध्यमातून स्फोट घडवून आणण्याची धमकी देत नागरिकांनी या कार्यक्रमाला जाऊ नये, असे म्हटले आहे.
