“मी त्यांना कोलंबीचं कालवण वाढलं…”, मराठी ज्येष्ठ अभिनेत्रीच्या घरी जेवलेला रणबीर कपूर; अभिनेत्रीने शेअर केला किस्सा

अभिनेत्री स्मिता जयकर आणि अभिनेता रणबीर कपूरने ‘अजब प्रेम की गजब कहानी’या चित्रपटामध्ये एकत्र काम केले आहे. त्या चित्रपटाच्या शुटिंग दरम्यानचा किस्सा अभिनेत्रीने शेअर केला आहे.

रणबीर कपूर हा बॉलिवूड फिल्म इंडस्ट्रीतील आघाडीच्या अभिनेत्यांपैकी एक आहे. कायमच आपल्या अभिनयामुळे चर्चेत राहणारा रणबीर सध्या त्याच्या एका कृत्यामुळे चर्चेत आला आहे. प्रसिद्ध ज्येष्ठ मराठमोळी अभिनेत्री स्मिता जयकर यांनी एक मुलाखत दिली आहे. या मुलाखतीत त्यांनी बॉलिवूड अभिनेता रणबीर कपूरचा त्यांच्या घरातील एक किस्सा सांगितला आहे. अभिनेत्री स्मिता जयकर आणि अभिनेता रणबीर कपूरने एका चित्रपटामध्ये एकत्र काम केले आहे. त्या चित्रपटाच्या शुटिंग दरम्यानचा किस्सा अभिनेत्रीने शेअर केला आहे.

हरिनामाच्या गजरात तल्लीन करणाऱ्या ‘संत ज्ञानेश्वरांची मुक्ताई’चा ट्रेलर रिलीज, घडणार आध्यात्मिक सफर

एका युट्यूब चॅनलला दिलेल्या मुलाखतीत ज्येष्ठ अभिनेत्री स्मिता जयकर यांनी बॉलिवूड अभिनेता रणबीर कपूरसोबत ‘अजब प्रेम की गजब कहानी’या चित्रपटात एकत्र काम केलं होतं. हा चित्रपट २००९ मध्ये प्रदर्शित झाला होता. यामध्ये रणबीर कपूर आणि कतरिना कैफ प्रमुख भूमिकेत होते. या चित्रपटामध्ये रणबीरच्या आईची भूमिका स्मिता यांनी साकारली आहे. स्मिता यांनी मुलाखतीत शेअर केलेला किस्सा चित्रपटाच्या शूटिंगच्या आधीचा होता. चित्रपटाच्या शूटिंगच्या आधी रणबीर आणि स्मिता जयकर एकमेकांना भेटले होते.

गौतमी पाटीलची पहिली गवळण ‘कृष्ण मुरारी’प्रेक्षकांच्या भेटीला, नव्या गाण्याची जोरदार चर्चा, पाहा खास झलक

मुलाखतीत स्मिता जयकर म्हणाल्या, “रणबीर कपूर माझ्या छोट्या मुलाला ओळखत होता. याबद्दल रणबीरनेच मला स्वत: सांगितलं होतं. तो अगदी साधा आहे. बॉलिवूडचे प्रसिद्ध फॅशन डिझायनर सब्यसाची मुखर्जी, दिग्दर्शक संजय लीला भन्साळी आणि रणबीर कपूर हे तिघंही माझ्या घरी आले होते. ते लोकं माझ्या घरी जेवायच्या वेळेलाच आले होते. संजयला तेव्हा कोलंबीचं कालवण वगैरे खूप आवडायचं. मी या तिघांना कोलंबीचं कालवण वाढलं. त्या तिघांनीही माझ्या घरी जेवण टेबलवर बसून नाही तर जमिनीवर बसून मांडी घालून केलं. रणबीर एवढा साधा आहे की, तो माझ्या घरी जेवायला खाली जमिनीवर बसला होता.”

२०० कोटींच्या ‘सिकंदर’ला १०० कोटी कमावणंही कठीण, सातव्या दिवशीही भारतात केली तुटपुंजी कमाई

“मला संजयने सब्यसाची मुखर्जींशी ओळख करून दिली, तेव्हा रणबीर खूप लहान होता. तिघेही मस्त जेवले. खरंतर, मला तो रणबीर कपूर आहे हे नंतर समजलं. तेव्हा रणबीर संजय लीला भन्साळींना असिस्ट करत होता. हे सगळे लोक खरंच खूप साधी माणसं आहेत. आपल्याला सिनेमे पाहून किंवा ते बाहेर वावरतात तेव्हा त्यांच्याकडे पाहून कुतूहल वाटतं. कारण, कलाकारांच्या भोवती सगळ्या चाहत्यांची सतत गर्दी असते म्हणून साहजिकच त्यांना तसा अ‍ॅटिट्यूड ठेवावा लागतो. पण, प्रत्यक्षात ते फार साधे आहेत.” असं स्मिता जयकर यांनी मुलाखती दरम्यान सांगितलं.