अक्षय कुमारच्या ‘Bhooth Bangla’ ट्रेलरची बदलली रिलीज डेट; आता निर्माते या दिवशी दाखवणार चित्रपटाची झलक

प्रियदर्शन दिग्दर्शित अक्षय कुमारच्या आगामी हॉरर कॉमेडी चित्रपट 'भूत बंगला'च्या निर्मात्यांनी ट्रेलरच्या प्रदर्शनाची तारीख बदलली आहे. हा ट्रेलर आता कधी प्रदर्शित होणार हे आपण जाणून घेणार आहोत.

• ‘Bhooth Bangla’ ट्रेलरची बदलली रिलीज डेट
• आता निर्माते या दिवशी ट्रेलर करणार प्रदर्शित
• ‘भूत बंगला’ कधी होणार प्रदर्शित?

बॉलीवूड अभिनेता अक्षय कुमारचा आगामी हॉरर कॉमेडी चित्रपट ‘भूत बंगला’ हा २०२६ मधील सर्वात महत्त्वाच्या आणि बहुप्रतिक्षित प्रकल्पांपैकी एक आहे. काही दिवसांपूर्वीच, निर्मात्यांनी चित्रपटातील ‘तू ही दिसदा’ हे नवीन गाणे प्रदर्शित केले, ज्याला प्रेक्षकांकडून चांगला प्रतिसाद मिळाला. अक्षय कुमार आपल्या चित्रपटाच्या प्रसिद्धीसाठी कोणतीही कसर सोडत नाही आहे. अनेक वृत्तांनुसार ‘भूत बंगला’चा ट्रेलर २७ मार्च रोजी प्रदर्शित होणार होता, पण तसे झाले नाही. ताज्या माहितीनुसार, निर्मात्यांनी अक्षय कुमारच्या या चित्रपटाच्या प्रदर्शनासाठी एक नवीन तारीख निवडली आहे.

Raja Shivaji : स्वराज्य… एका नव्या दृष्टिकोनातून! विद्रोहाची सुरुवात अन् स्वराज्याची ठिणगी; ‘राजा शिवाजी’चा पहिला Teaser Out

‘भूत बंगला’चा ट्रेलर ‘या’ तारखेला होणार प्रदर्शित

बॉलीवूड हंगामाच्या एका वृत्तानुसार ‘भूत बंगला’च्या ट्रेलरच्या प्रदर्शनाची तारीख २७ मार्च होती. नंतर, असे समोर आले की ही तारीख आता ३० मार्चपर्यंत पुढे ढकलण्यात आली आहे. आता निर्माते चित्रपटाचा ट्रेलर ६ एप्रिल रोजी प्रदर्शित करण्याची योजना आखत आहेत. पोर्टलशी संबंधित एका सूत्राने सांगितले की, निर्माते आता ६ एप्रिल रोजी ट्रेलर प्रदर्शित करणार आहेत. आता हे पाहणे उत्सुकतेचे ठरेल की निर्माते या इव्हेंटमधून ट्रेलर लाँच करतील की नाही.

प्रियदर्शन दिग्दर्शित, “भूत बांगला” मध्ये अक्षय कुमार सोबत परेश रावल, तब्बू, वामिका गब्बी, मिथिला पालकर, जिशु यू. सेनगुप्ता, मनोज जोशी आणि राजपाल यादव यांच्या देखील भूमिका पाहायला मिळणार आहेत. निर्मात्यांच्या कलाकारांमुळे प्रेक्षकांमध्ये चांगलीच खळबळ उडाली आहे.

मराठी इंडी म्युझिक क्षेत्रात नव्या कलाकारांची लाट! ‘मिमा २०२६’चा भव्य सोहळा २ एप्रिल रोजी आयोजित

‘भूत बंगला’ कधी होणार प्रदर्शित?

मिळालेल्या माहितीनुसार, अक्षय कुमारच्या या हॉरर कॉमेडी चित्रपटाला सेंट्रल बोर्ड ऑफ फिल्म सर्टिफिकेशनकडून UA 16 रेटिंग मिळाले आहे. अक्षय कुमार आणि प्रियदर्शन जवळपास १५ वर्षांनंतर ‘भूत बंगला’साठी पुन्हा एकत्र आले आहेत. हा चित्रपट मूळतः १० एप्रिल रोजी प्रदर्शित होणार होता, परंतु ‘धुरंधर: द रिव्हेंज’चे यश पाहून निर्मात्यांनी त्याचे प्रदर्शन पुढे ढकलले. आता हा चित्रपट १७ एप्रिल रोजी प्रदर्शित होणार आहे.