(फोटो सौजन्य - इन्स्टाग्राम)
बॉलीवूडच्या सुपरहिट फ्रँचायझी मधील ‘बागी’ चित्रपट देखील एक आहे. या चित्रपटाचा आता नुकताच चौथा भाग प्रदर्शित होणार आहे. हा चित्रपट ५ सप्टेंबर रोजी चित्रपटगृहात प्रदर्शित होत आहे. टायगर श्रॉफ आणि संजय दत्त यांचा ‘बागी ४’ हा चित्रपट पाहण्यासाठी चाहते खूप उत्सुक आहेत. परंतु त्याच्या प्रदर्शनापूर्वीच सेन्सॉर बोर्डाने अनेक सीन कट केले आहेत. आणि सेन्सॉर बोर्डाने कोणते दृश्य कट केले आहे हे आपण जाणून घेणार आहोत.
‘तुझा अहंकार तुझ्याकडेच ठेव…’, आई-मुलीच्या नात्यात दुरावा; तान्या मित्तलला असं का म्हणाली कुनिका?
‘बागी ४’ वर सेन्सॉर बोर्डाची कात्री लागली
बॉलीवूड हंगामातील एका वृत्तानुसार, साजिद नाडियाडवाला यांच्या बॅनरखाली बनवलेल्या या चित्रपटाला ‘ए’ प्रमाणपत्र मिळाले आहे, परंतु हिंसाचाराशी संबंधित अनेक दृश्ये बोर्डाच्या नजरेतून सुटली नाहीत. परिणामी चित्रपटात २३ कट करण्यात आले. यामध्ये धार्मिक भावना दुखावणारे दृश्ये, आक्षेपार्ह संवाद आणि रक्तपाताशी संबंधित अनेक दृश्ये समाविष्ट आहेत. या कात्रीमुळे चित्रपट आता २ तास ४३ मिनिटांवरून २ तास ३७ मिनिटांवर आला आहे.
वादग्रस्त सीन केले कट
चित्रपटात असे अनेक दृश्य होते जे पूर्णपणे काढून टाकावे लागले. उदाहरणार्थ, टायगर श्रॉफ शवपेटीवर उभा राहणे, येशू ख्रिस्ताच्या पुतळ्यावर हल्ला करणे आणि मानवी कवटीत तलवार घालणे यासारख्या दृश्यांचा समावेश होता. याशिवाय, मानवी गळे कापण्याचे आणि हात कापण्याचे रक्ताने माखलेले दृश्य देखील सेन्सॉर बोर्डाने मान्य केले नाहीत. इतकेच नाही तर एक नग्न दृश्य आणि अश्लील हावभाव असलेले शॉट देखील काढून टाकण्यात आले आहे. सेन्सॉर बोर्डाने संवादांवरही कडक भूमिका घेतली. सेन्सॉर बोर्डाच्या सूचनेनुसार अनेक शिवीगाळ आणि आक्षेपार्ह शब्द देखील बदलण्यात आले आहे.
Zee Marathi Awards 2025: बाप्पाच्या चरणी, ढोल- ताशाच्या गजरात मतदान प्रक्रियेचा भव्य शुभारंभ!
निर्मात्यांनीही कट केले दृश्य
विशेष म्हणजे, चित्रपट अधिक चांगला बनवण्यासाठी निर्माते स्वतःही पुढे आले. प्रमाणपत्र मिळाल्यानंतर त्यांनी स्वतःच्या मर्जीने काही दृश्ये काढून टाकली. नुकत्याच प्रदर्शित झालेल्या ‘वॉर २’ आणि विवेक अग्निहोत्री यांच्या ‘द बंगाल फाइल्स’ मध्येही हाच ट्रेंड दिसून आला होता. म्हणजेच आता मोठे बॅनर स्वतः चित्रपटाचे कट आणि ट्रिमिंग करण्यात सक्रिय भूमिका बजावत आहेत. ‘बागी ४’ चित्रपटाच्या स्टारकास्टमध्ये टायगर श्रॉफ पुन्हा एकदा ‘रॉनी’च्या भूमिकेत दिसणार आहे, तर संजय दत्त नकारात्मक भूमिका साकारत आहे. याशिवाय हरनाज संधू, श्रेयस तळपदे, सौरभ सचदेवा, उपेंद्र लिमये आणि सोनम बाजवा हे देखील महत्त्वाच्या भूमिकांमध्ये आहेत.
