(फोटो सौजन्य- इन्स्टाग्राम)
सलमान खानच्या “बिग बॉस १९” शोमध्ये शेवटचा आठवडा सुरु आहे. आता लवकरच या शोला त्याचा विजेता मिळणार आहे. अशनूर कौरला दुसऱ्या-गेल्या आठवड्यातच बाहेर काढण्यात आले होते. आता, शाहबाजलाही डबल एव्हिक्शनने बाहेर काढण्यात येणार आहे. परंतु, “वीकेंड का वार” दरम्यान, सलमान खानने अनेक स्पर्धकांना फटकारले. तो संपूर्ण सीझनमध्ये गौरव खन्नाच्या गेम प्लॅनवर खूश दिसत होता आणि त्याचे कौतुकही करत होता. “बिग बॉस १९” नंतर गौरव खन्ना मोठ्या प्रोजेक्टमध्ये सलमान खानसोबत दिसणार असल्याचे समोर आले आहे, ज्याची घोषणा सलमान खानने स्वतःच केली आहे.
गौरव खन्ना हे टीव्ही इंडस्ट्रीतील एक लोकप्रिय नाव आणि चेहरा बनला आहे. तो गेल्या अनेक वर्षांपासून टीव्हीवर काम करत आहे, पण “अनुपमा” मधील अनुजची त्याची भूमिका उत्तम होती. या अभिनेत्याच्या अभिनयाने सर्वांची मने जिंकली. त्याचप्रमाणे, तो “बिग बॉस १९” च्या घरात आला, पण तो अंतिम फेरीत पोहचेपर्यंत कोणासोबतही कारण नसताना भांडला नाही. ज्यामुळे इतर घरातील सदस्यांनी त्याला खोटे म्हटले. परंतु, सलमान खानने त्याच्या खेळाचे खूप कौतुक केले आहे, म्हणूनच त्याने गौरव खन्नाला एक मोठे वचन देखील दिले आहे.
सलमानने गौरवला कोणते वचन दिले?
अलीकडेच, एकता कपूरने ‘बिग बॉस १९’ मध्ये दोन स्पर्धकांना काम दिले आहे. यामध्ये तान्या मित्तल आणि अमाल मलिक यांचा समावेश आहे. दरम्यान, सलमान खानने गौरव खन्नाच्या खेळाचे आणि कामगिरीचे खूप कौतुक केले आहे. त्याने लवकरच गौरव खन्नासोबत काम करण्याची घोषणाही केली. सलमान खान असे म्हणताना दिसला की, “त्याची पत्नी त्याचा आदर करते, त्याचे मित्र त्याचा अभिमान मानतात आणि त्याच्या पालकांनाही त्याचा अभिमान वाटतो. लोकांना त्याच्यासोबत काम करायला नेहमीच मजा आली आहे. मी लवकरच गौरवसोबत काम करेन. मला त्याच्यासोबत काम करायलाही मजा येईल.” त्यानंतर, गौरव खन्ना थोड्या वेळाने आश्चर्यचकित होतो. त्याने त्याच्या पाठिंब्याबद्दल आणि या घोषणेबद्दल सलमान खानचे आभारही मानले.
सलमान खानने गौरवचे केले कौतुक
सलमान खानने पुढे, ‘गौरव खन्ना शांत आहे, ही चांगली गोष्ट आहे’, असेही त्याने म्हटले. त्याने फरहाना भट्टने घरात केलेल्या वाईट घटनेची आठवण करून दिली आणि म्हटले की जेव्हा टीव्ही सुपरस्टारवर टीका करण्यात अली तेव्हा गौरव खन्ना त्या दिवशी खूप संतापला होता. त्याच्या डोळ्यात अश्रू होते. पण त्याने स्वतःला ज्या पद्धतीने हाताळले ते कौतुकास्पद आहे. अशा परिस्थितीत संयम राखणे अशक्य आहे… भाऊला माझा सलाम आहे.’ असे सलमान म्हणाला. आता गौरव ‘बिग बॉस’नंतर सलमान खान सोबत काय मोठे काम करतो हे पाहणे उत्सुकतेचे ठरणार आहे.
.png "Videos"){kind=small}
