‘Coolie’ ची बॉक्स ऑफिसवर जबरदस्त टक्कर, ‘War 2’सह ‘या’ चित्रपटांना टाकले मागे

रजनीकांतचा 'कुली' हा चित्रपट १० व्या दिवशीही सिनेमागृहात राज्य करत आहे. या चित्रपटाने अनेक मोठ्या चित्रपटांना मागे टाकले आहे. या यादीत कोणकोणत्या नावाचा समावेश आहे जाणून घेऊयात.

• ‘कुली’ चा बॉक्स ऑफिसवर दबदबा
• ‘कुली’ने ‘या’ चित्रपटांना टाकले मागे
• ‘कुली’चे आतापर्यंतचे कलेक्शन

रजनीकांतचा आगामी अ‍ॅक्शन चित्रपट ‘कुली’ १० दिवसांनंतरही चित्रपटगृहांवर राज्य करताना दिसत आहे. या चित्रपटाने जगभरातील मोठ्या चित्रपटांचा विक्रम मोडला आहे. ज्यामध्ये ‘वॉर २’ ते ‘रेड २’ यांसारख्या चित्रपटांचा समावेश आहे. रजनीकांतच्या चित्रपटाने ४०० कोटींहून अधिक कमाई केली आहे. सोशल मीडियावरही या चित्रपटाला खूप पसंती मिळत आहे. या चित्रपटाने आतापर्यंत किती कोटींची कमाई केली आहे? आपण जाणून घेणार आहोत.

Bigg Boss 19: शहबाज बदेशा की मृदुल तिवारी… बिग बॉसचा ट्विस्ट कोणाला दाखवणार स्टेजवरूनच बाहेरचा रस्ता?

‘कुली’ ने आतापर्यंत किती कमाई केली आहे?
सॅकनिल्कच्या अहवालानुसार, रजनीकांतच्या चित्रपटाने १० व्या दिवशी भारतात १० कोटींचा व्यवसाय केला आहे. या चित्रपटाने भारतात २४५.५० कोटींची कमाई केली आहे. जर आपण जगभरातील कलेक्शनबद्दल बोललो तर, या चित्रपटाने आतापर्यंत ४४७.५ कोटींची कमाई केली आहे. या आकडेवारीनुसार, या वर्षातील सर्वात मोठ्या चित्रपटांमध्ये हा चित्रपट तिसऱ्या क्रमांकावर आला आहे.

या चित्रपटांचे रेकॉर्ड मोडले
रजनीकांतच्या या चित्रपटाने ५ मोठ्या चित्रपटांचे रेकॉर्ड मोडले आहेत. यामध्ये ‘वॉर २’, ‘महावतार नरसिंह’, ‘हाऊसफुल ५’, ‘सितारे जमीन पर’ आणि ‘रेड २’ यांचा समावेश आहे. ‘वॉर २’ ने आतापर्यंत ३२० कोटी, ‘महावतार नरसिंह’ २८६.७ कोटी, ‘हाऊसफुल ५’ २८८.६७ कोटी, ‘सितारे जमीन पर’ २६७.५१ कोटी आणि ‘रेड २’ २३७.४६ कोटी कमावले आहेत. आकडेवारीनुसार, हे चित्रपट ‘कुली’ पेक्षा खूप मागे आहेत.

Nagraj Manjule Birthday: दिवसरात्रं मेहनत घेऊन बनवला 100 कोटींचा सैराट; नागराज मंजुळेंचा जाणून घ्या संपूर्ण प्रवास

‘कुली’ या चित्रपटांपेक्षा मागे आहे
दुसरीकडे, ‘कुली’ अजूनही दोन चित्रपटांपेक्षा मागे आहे. यामध्ये अहान पांडेचा ‘सैयारा’ आणि विकी कौशलचा ‘चावा’ यांचा समावेश आहे. ‘छावा’ने ८०७.९१ कोटी कमाई करून पहिले स्थान पटकावले आहे, तर ‘सैयारा’ने ५५१.५ कोटी कमाई केली आहे. या आकडेवारीनुसार, ‘कुली’ अजूनही या दोन्ही चित्रपटांपेक्षा खूप मागे आहे. तसेच, आठवड्याच्या शेवटी ‘कुली’च्या कमाईत वाढ दिसून येण्याची शक्यता आहे.