Chhaava Trailer: अंगावर काटा येईल असा आहे ‘छावा’चा जबरदस्त ट्रेलर; दोन तासांत मिळाले १५ लाख व्ह्यूज!

विकी कौशलचा बहुप्रतिक्षित 'छावा' चित्रपटाचा ट्रेलर रिलीज झाला आहे. चाहते बऱ्याच दिवसांपासून याची वाट पाहत होते. या ट्रेलरमध्ये विकी कौशल संभाजी महाराजांच्या शक्तिशाली भूमिकेत दिसत आहे.

(फोटो सौजन्य - सोशल मीडिया)

Follow Us:

Follow Us:

विकी कौशलचा बहुप्रतिक्षित ‘छावा’ चित्रपटाचा ट्रेलर रिलीज झाला आहे. चाहते बऱ्याच दिवसांपासून याची वाट पाहत होते. या ट्रेलरमध्ये विकी कौशल संभाजी महाराजांच्या शक्तिशाली भूमिकेत दिसत आहे. मॅडॉक फिल्म्सच्या बॅनरखाली बनवलेल्या या चित्रपटाचा ट्रेलर तीन मिनिटे आणि आठ सेकंदांचा आहे. या ट्रेलरला दोन तासांत १५ लाख व्ह्यूज मिळाले आहेत. तसेच या ट्रेलरनंतर आता चाहत्यांमध्ये हा चित्रपट पाहण्याची उत्सुकता निर्माण झाली आहे. तसेच या चित्रपटातील गाणीही जबदस्त आहेत.

ट्रेलरमध्ये दाखवण्यात आलेली विकीची दमदार शैली
ट्रेलरच्या सुरुवातीपासून शेवटपर्यंत अनेक दमदार संवाद ऐकू येत आहेत. एका दृश्यात, विकी कौशल शत्रूच्या छातीवर पाय ठेवून म्हणतो, “आम्ही आवाज करत नाही, आम्ही थेट शिकार करतो.” ट्रेलरमध्ये रश्मिका मंदान्ना देखील दिसत आहे. या चित्रपटात तिने संभाजी महाराजांच्या पत्नीची भूमिका साकारली होती. चित्रपटाच्या ट्रेलरमध्ये विकी, रश्मिका आणि अक्षय व्यतिरिक्त आशुतोष राणा, विनीत कुमार सिंग, दिव्या दत्ता आणि डायना पेंटी सारखे कलाकारही दिसत आहेत. चित्रपटाचा ट्रेलर प्रेक्षकांना खूप आवडला आहे. आणि त्याला त्यांनी चांगलाच प्रतिसाद दिला आहे.

सोनी टीव्हीवरील रिअ‍ॅलिटी शो मध्ये मलायका अरोराने कबूल केले, “मी माधुरी दीक्षितसारखे केस कापायचे आणि…

भव्य सेट्स आणि सिनेमॅटोग्राफीमुळे अपेक्षा वाढल्या
भव्य सेट्स आणि उत्कृष्ट छायांकन पाहिल्यानंतर, लोकांना या चित्रपटाकडून खूप जास्त अपेक्षा असल्याचे दिसते. या चित्रपटात अक्षय खन्ना देखील आहे, ज्याला बहुतेक लोक पहिल्या नजरेत ओळखणार नाहीत. ‘छावा’ मध्ये त्यांनी औरंगजेबाची भूमिका साकारली आहे. ट्रेलरमधील एका दृश्यात तो म्हणतोय की, “आम्ही आमच्या संपूर्ण कुटुंबाच्या मृतदेहांवर उभे राहून हा मुकुट घातला होता. संभाजी महाराजांच्या किंकाळीचा आवाज येईल तेव्हा आम्ही तो पुन्हा घालू.” असे म्हणून त्याचा या चित्रपटामध्ये दमदार संवाद आहे. या अभिनेत्याने प्रेक्षकांचे लक्ष वेधून घेतले आहे.

‘डंकी’ फेम वरुण कुलकर्णी किडनीच्या गंभीर आजाराने ग्रस्त; उपचारासाठी अभिनेत्याला पैश्याची गरज!

हा चित्रपट या दिवशी प्रदर्शित होणार
या ट्रेलरच्या शेवटी, विकी कौशल सिंहाशी लढताना दिसत आहे, जो पाहिल्यानंतर प्रेक्षकांच्या अंगावर काटा येत आहे. या चित्रपटाचे दिग्दर्शन लक्ष्मण उतेकर यांनी केले आहे. त्याच वेळी, ए.आर. रहमानने आपल्या संगीताने ते सजवले आहे. हा चित्रपट १४ जानेवारी रोजी थिएटरमध्ये दाखल होणार आहे. या चित्रपटाची कथा जाणून घेण्यासाठी चाहते खूप उत्सुक आहेत.

Web Title: Chhava trailer released vicky kaushal rashmika mandanna akshaye khanna laxman utekar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com