साऊथ स्टार पृथ्वीराज सुकुमारन आणि दुलकर सलमानच्या घरावर कस्टम्सचा छापा, काय आहे प्रकरण?

सीमाशुल्क विभाग केरळमधील अनेक ठिकाणी छापे टाकत आहे, ज्यात अभिनेता दुलकर सलमान आणि पृथ्वीराज सुकुमारन यांच्या घरांचा समावेश आहे. हे संपूर्ण प्रकरण काय आहे जाणून घेऊयात.

• या साऊथ स्टार्सच्या घरावर कस्टम्सचा छापा
• काय आहे आहे संपूर्ण प्रकरण?
• अनेक ठिकाणी टाकले कस्टम्स छापे

केरळमधील अनेक ठिकाणी सीमाशुल्क विभाग छापे टाकत आहे, ज्यामध्ये अभिनेता दुल्कर सलमान आणि पृथ्वीराज सुकुमारन यांच्या कोची येथील निवासस्थानांचा समावेश आहे. वृत्तानुसार, हे छापे भूतानमधून आयात केलेल्या वाहनांशी संबंधित आहेत. केरळचा मोटार वाहन विभागही पोहोचला आहे. दुल्कर सलमान आणि पृथ्वीराज सुकुमारन यांच्या घरावरही कस्टम्सचा छापा पडला आहे. हे संपूर्ण प्रकरण काय आहे हे आपण जाणून घेणार आहोत.

श्रीदेवींच्या साडीत जान्हवी कपूरचा ग्लॅमरस लुक, ‘होमबाउंड’च्या प्रीमियरमध्ये वेधलं लक्ष

 

See more

#WATCH | Kerala: Customs Department conducts checks at multiple locations in the state, including the residences of actors Dulquer Salmaan and Prithviraj Sukumaran in Kochi. These are related to vehicles brought in from Bhutan. Motor Vehicle Department of Kerala has also reached… pic.twitter.com/7Kast4LpD5 — ANI (@ANI) September 23, 2025

कस्टम्स भूतानमधील वाहन खरेदीदारांची चौकशी करत आहे
अधिकृत सूत्रांनी सांगितले की, केरळमधील अनेक ठिकाणी कस्टम्स अधिकारी छापे टाकत आहेत. कर चुकविण्यासाठी बनावट नोंदणी वापरून भूतानमधून भारतात वाहने आणणाऱ्यांना शोधणे हा यामागील उद्देश आहे. त्यांनी सांगितले की, “ऑपरेशन नुमखोर” या सांकेतिक नावाच्या छाप्यांमध्ये मल्याळम अभिनेते पृथ्वीराज सुकुमारन आणि दुल्कर सलमान यांच्या घरांचा समावेश आहे. भूतानी भाषेत “नुमखोर” म्हणजे “वाहन”.

विवेक, रितेश आणि आफताब पुन्हा एकत्र, ‘मस्ती 4’मध्ये धमाल चार पटीने वाढणार!

अनेक ठिकाणी छापे टाकले जात आहेत
कोची, तिरुवनंतपुरम, कोझिकोड आणि मलप्पुरमसह विविध ठिकाणी एकाच वेळी छापे टाकले जात आहेत. भूतानमधून महागड्या वाहनांच्या रूपात कर न भरता आयात केल्या जात असल्याच्या घटनांनंतर हे छापे टाकले जात असल्याचे कस्टम्स अधिकाऱ्यांनी सांगितले. त्यांनी अशा सुमारे १५ उल्लंघनांची नोंद केली. चित्रपट कलाकारांच्या घरांवर छाप्यांबद्दल विचारले असता, कस्टम्स प्रिव्हेंटिव्ह कमिशनरेटच्या एका अधिकाऱ्याने सांगितले की, त्यांच्या वाहनांची कागदपत्रे तपासली जात आहेत.