Dhurandhar 2 Collection: रणवीर सिंहचा स्पाय ड्रामा ठरला हिट; 7 दिवसांत 1000 कोटींचा टप्पा पार

आदित्य धर दिग्दर्शित रणवीर सिंगच्या 'धुरंधर २: द रिव्हेंज' या चित्रपटाने अवघ्या सात दिवसांत बॉक्स ऑफिसवर धुमाकूळ घातला आहे. चित्रपटाची कमाई त्याची जगभरातील लोकप्रियता सिद्ध करते आहे.

• रणवीर सिंहचा स्पाय ड्रामा ठरला हिट
• 7 दिवसांत 1000 कोटींचा टप्पा पार
• ‘धुरंधर २’ मोठे रेकॉर्ड करणार ब्रेक

‘धुरंधर 2: द रिवेंज’ने चित्रपटगृहांमध्ये आपला पहिला आठवडा पूर्ण केला असून बॉक्स ऑफिसवरील त्याची गती अजूनही कायम आहे. तब्बल ३ तास ४९ मिनिटांचा कालावधी असतानाही, आदित्य धर दिग्दर्शित या चित्रपटाने वीकेंडनंतरही चांगली स्थिरता राखली आहे. त्यामुळे पहिल्या आठवड्यातील विक्रमी कमाई हा केवळ योगायोग नव्हता, हे स्पष्ट झाले आहे. पहिल्या ६० तासांत २४० कोटी रुपयांचा टप्पा पार केल्यानंतर रणवीर सिंहचा हा चित्रपट सातव्या दिवशी ६०० कोटींच्या दिशेने झपाट्याने वाटचाल करत आहे. उगादी आणि गुढी पाडवा या सणांच्या पार्श्वभूमीचा फायदा घेत चित्रपटाने बॉक्स ऑफिसवर मजबूत पकड ठेवली असून चित्रपटगृहांमध्ये प्रेक्षकांची मोठी गर्दी पाहायला मिळत आहे.

दमदार सुरुवातीनंतर ‘धुरंधर 2: द रिवेंज’ने पहिल्या आठवड्यातही आपली पकड कायम ठेवली आहे. पहिल्याच दिवशी ४३ कोटींची कमाई करत चित्रपटाने चौथ्या दिवशी ११४.८५ कोटींची प्रभावी कमाई नोंदवली आणि पहिल्या आठवड्यात सलग १०० कोटींचा टप्पा ओलांडला आहे. आठवड्याच्या शेवटाकडे कमाईत थोडी स्थिरता आली असली, तरी चित्रपटाचा दबदबा कायम राहिला. सहाव्या दिवशी ५६.५५ कोटींची मजबूत कमाई झाली, तर सातव्या दिवशी (बुधवारी) ४७.७० कोटींची कमाई नोंदवली गेली आहे, जी थोडी कमी असली तरीही प्रभावी ठरली आहे.

”LPG च्या कमतरतेवर …”, नोरा फतेही च्या ‘सरके चुनर’ गाण्यावर वाद; दिग्दर्शकाचे विधान चर्चेत

‘धुरंधर 2: द रिवेंज’चे बॉक्स ऑफिस कलेक्शन

जागतिक स्तरावर या अ‍ॅक्शन ब्लॉकबस्टर चित्रपटाने अधिकृतपणे १००० कोटी रुपयांचा टप्पा पार केला आहे. भारतातील कमाईबाबत बोलायचे झाल्यास, चित्रपटाने आतापर्यंत ६२३.४२ कोटी रुपयांची कमाई केली आहे. तर ग्रॉस कलेक्शन ७४४.५८ कोटी रुपयांपर्यंत पोहोचले आहे. परदेशातही चित्रपटाला उत्तम प्रतिसाद मिळत असून सुमारे २६३ कोटी रुपयांची कमाई झाली आहे. त्यामुळे एकूण जागतिक कमाई १००० कोटींच्या पुढे गेली आहे. केवळ सात दिवसांत आदित्य धर यांच्या या चित्रपटाने केलेली कामगिरी पाहता, लवकरच हा चित्रपट टॉप-१० मध्ये वरच्या स्थानावर पोहोचेल, असे दिसत आहे.

‘धुरंधर 2: द रिवेंज’ची जागतिक कमाई

भारत आणि परदेशातील कलेक्शन मिळून या चित्रपटाने अवघ्या सात दिवसांत १००७.५८ कोटी रुपयांची कमाई केली आहे. हा आकडा स्वतःमध्येच मोठा विक्रम मानला जात असून, येत्या काळात हा चित्रपट आणखी मोठी कमाई करत अनेक रेकॉर्ड मोडेल, असा अंदाज व्यक्त केला जात आहे. तसेच आता पुढे हा चित्रपट किती कमाई करतो हे पाहणे उत्सुकतेचे ठरणार आहे.

नव्या मनोरंजनासाठी ‘आई तुळजाभवानी’चा आशीर्वाद; ‘कलर्स मराठी’वर मालिकांची दमदार सुरुवात

‘धुरंधर २’ मोठे रेकॉर्ड करणार ब्रेक

‘धुरंधर २’ ने ‘कांतारा चॅप्टर १’, ‘ॲनिमल’ आणि ‘बजरंगी भाईजान’ सारख्या चित्रपटांना मागे टाकत, सर्वाधिक कमाई करणाऱ्या टॉप १० भारतीय चित्रपटांमध्ये प्रवेश केला आहे. त्याचे पुढील लक्ष्य ‘कल्की २८९८ एडी’ आहे, ज्याने ₹१०४२.२५ कोटींची लाईफटाईम कलेक्शन केली होती. हा स्पाय थ्रिलर काही तासांतच प्रभासच्या चित्रपटाला मागे टाकेल अशी अपेक्षा आहे.