Dipika Kakar: दीपिका कक्करवर यशस्वी शस्त्रक्रिया, पती शोएबने सांगितली अभिनेत्रीची हेल्थ अपडेट

टीव्ही अभिनेत्री दीपिका कक्करची कर्करोगाची शस्त्रक्रिया यशस्वी पार पडली आहे. अभिनेत्रीची शस्त्रक्रिया १४ तास सुरु होती. तसेच पती शोएबने सोशल मीडियावर एक पोस्ट शेअर करून दीपिकाच्या प्रकृतीबद्दल माहिती दिली आहे.

टीव्ही अभिनेत्री दीपिका कक्कर हिच्यावर कर्करोगाची शस्त्रक्रिया झाली आहे. दीपिकाचे चाहते तिच्या तब्येतीबद्दल खूप चिंतेत होते. जेव्हा शोएबने अभिनेत्रीची शस्त्रक्रिया कधी होणार आहे हे सांगितले तेव्हापासून चाहते तिच्यासाठी प्रार्थना करत होते. आता शोएब इब्राहिमने एक पोस्ट शेअर करून दीपिकाच्या शस्त्रक्रियेबद्दल सांगितले आहे. त्याने दीपिकाच्या आरोग्याची अपडेट दिली आहे. तसेच, त्याने सांगितले आहे की ही शस्त्रक्रिया १४ तास चालली. आणि आता अभिनेत्री आयसीयूमध्ये दाखल आहे.

शोएब इब्राहिमने इंस्टाग्रामवर एक स्टोरी शेअर केली आहे आणि दीपिकाच्या शस्त्रक्रियेबद्दल अपडेट दिले आहे. त्याने लिहिले की, ‘सर्वांना नमस्कार, काल रात्री मी तुम्हाला अपडेट देऊ शकलो नाही याबद्दल मला माफ करा. ही खूप लांब शस्त्रक्रिया होती. दीपिका १४ तास ओटीमध्ये होती. पण सर्व काही ठीक आहे. दीपी सध्या आयसीयूमध्ये आहे कारण तिला काही वेदना होत आहेत पण ती स्थिर आहे. तुमच्या प्रेम, प्रार्थना आणि पाठिंब्याबद्दल मी तुमचे मनापासून आभार मानतो. तुमच्या प्रार्थना माझ्यासाठी खूप महत्वाच्या आहेत. जेव्हा ती आयसीयूमधून बाहेर येईल तेव्हा मी तुम्हाला सर्वांना अपडेट करेन. पुन्हा एकदा धन्यवाद. तिला तुमच्या प्रार्थनेत ठेवा.’ असे अभिनेत्रीचा पती शोएब इब्राहिमने माहिती दिली आहे.

“स्टार किड असणं…”, अध्ययन सुमनलाही करावा लागला रिजेक्शन्सचा सामना; ‘घराणेशाही’वर स्पष्टच म्हणाला…

मंगळवारी शस्त्रक्रिया झाली
सोमवारी शोएब इब्राहिमने सोशल मीडियावर एक पोस्ट शेअर केली आणि माहिती दिली की दीपिकावर मंगळवारी शस्त्रक्रिया होणार आहे. शोएबने सांगितले होते की ही शस्त्रक्रिया लांबणार आहे. आणि या शस्त्रक्रियेनंतर अभिनेत्रीच्या अडचणी कमी होणार आहेत तसेच ती लवकरच बरी होत आहे.

अनुराग बसूच्या ‘Metro In Dino’चा ट्रेलर रिलीज, प्रत्येक वयोगटातली भन्नाट लव्हस्टोरीची मेजवाणी मिळणार

खरं तर, दीपिकाच्या यकृतात टेनिस बॉलच्या आकाराचा ट्यूमर झाला होता. हा ट्यूमर दुसऱ्या टप्प्यातील कर्करोग बनला होता. डॉक्टर अभिनेत्रीच्या शस्त्रक्रियेची वाट पाहत होते पण दीपिकाला फ्लू झाला ज्यामुळे तिची शस्त्रक्रिया पुढे ढकलण्यात आली. शोएबने त्याच्या व्लॉगमध्ये दीपिकाच्या यकृतातील ट्यूमरबद्दल सर्व माहिती दिली आहे. दीपिकाच्या कर्करोगाची माहिती मिळाल्यावर दीपिका देखील व्लॉगवर आली आणि चाहत्यांना तिच्या तब्येतीबद्दल सांगितले.