दीपिका कक्करवर होणार आज शस्त्रक्रिया, पती शोएब इब्राहिमने चाहत्यांकडे केली खास विनंती!

दीपिका कक्करच्या यकृताच्या ट्यूमरची शस्त्रक्रिया आज आहे. शोएब इब्राहिमने सांगितले आहे की तिची प्रकृती स्थिर आहे. त्यामुळे डॉक्टर आज तिची शस्त्रक्रिया करणार आहे. अभिनेत्याने चाहत्यांना केली खास विनंती.

‘ससुराल सिमर का’ फेम टीव्ही अभिनेत्री दीपिका कक्कर गेल्या काही काळापासून तिच्या प्रकृतीबाबत चर्चेत आहे. काही दिवसांपूर्वी तिचा पती शोएब इब्राहिमने सांगितले होते की, अभिनेत्रीच्या यकृतात ट्यूमर आहे. त्यानंतर दीपिकाला यकृताचा कर्करोग झाल्याचे उघड झाले. तिच्या ट्यूमरची शस्त्रक्रिया बऱ्याच काळापासून थांबली होती पण आज दीपिका कक्करवर शस्त्रक्रिया होणार आहे. ही माहिती स्वतः शोएब इब्राहिमने दिली आहे. अभिनेत्याने इन्स्टा स्टोरी शेअर करून, चाहत्यांना हात जोडून तिच्यासाठी प्रार्थना करण्याची विनंती केली आहे.

शोएब इब्राहिमने प्रार्थना केली
शोएब इब्राहिमने सोमवारी रात्री उशिरा त्याच्या इंस्टाग्राम स्टोरीवर एक भावनिक पोस्ट शेअर केली. या पोस्टमध्ये त्याने सांगितले की, दीपिका कक्करची शस्त्रक्रिया आज मंगळवारी होणार आहे. अभिनेत्याने पोस्टमध्ये लिहिले आहे की, ‘दीपिकाची शस्त्रक्रिया उद्या सकाळी होणार आहे. तिला तुमच्या प्रार्थना आणि शक्तीची सर्वात जास्त गरज आहे. कृपया तिला तुमच्या प्रार्थनेत ठेवा.’ या पोस्टसोबतच त्याने हात जोडून इमोजी देखील शेअर केला आहे.

‘The Traitors’ च्या रिलीज आधीच उर्फी जावेदने सांगून टाकली स्क्रिप्ट ? स्टोरी शेअर करत दिली हिंट

स्टेज २ कॅन्सर असल्याचे झाले उघड
गेल्या आठवड्यात शोएब इब्राहिमने एक व्लॉग शेअर केला होता, ज्यामध्ये दीपिका कक्कर देखील त्याच्यासोबत दिसली होती. या व्लॉगमध्ये अभिनेत्रीने सांगितले की तिला आधी कळले होते की तिच्या यकृतात टेनिस बॉल आकाराचा ट्यूमर आहे. डॉक्टरांनी तिला लवकरात लवकर शस्त्रक्रिया करण्यास सांगितले होते. तथापि, सर्दी आणि फ्लूमुळे तिची शस्त्रक्रिया पुढे ढकलण्यात आली. नंतर असे आढळून आले की ही ट्यूमरचे दुसऱ्या टप्प्यातील प्राणघातक कर्करोगात रूपांतर झाले आहे.

Kamal Haasan: कर्नाटकातील उच्च न्यायालयात कमल हसन यांची धाव, नेमकं प्रकरण काय ?

टीव्ही सेलिब्रिटींनी केली दीपिकासाठी प्रार्थना
दुसरीकडे, दीपिका कक्करच्या यकृताच्या कर्करोगाचे वृत्त समोर आल्यानंतर, तिच्या सहकलाकारांनी आणि टीव्ही सेलिब्रिटींनी तिच्यासाठी प्रार्थना पाठवल्या. गौरव खन्ना, अविका गौर, गौहर खान यांच्यासह अनेक स्टार्सनी दीपिकासाठी प्रेम आणि प्रार्थना पाठवल्या. आज दीपिकाची शस्त्रक्रिया आहे. तिचे चाहते प्रार्थना करत आहेत की ती लवकरात लवकर पूर्णपणे बरी व्हावी.