साऊथ अभिनेता संतोष बलराज यांचे वयाच्या ३४ व्या वर्षी निधन, ‘या’ गंभीर आजारामुळे झाला मृत्यू

संतोष बलराज यांचा चित्रपट प्रवास आणि कामगिरी
संतोषने २००९ मध्ये ‘केम्पा’ या चित्रपटातून अभिनय क्षेत्रात पदार्पण केले. या चित्रपटात त्याने अविनाश, रुचिता प्रसाद आणि प्रदीप सिंह रावत यांसारख्या कलाकारांसोबत काम केले. त्यांचा दुसरा चित्रपट ‘करिया २’ होता, जो त्यांचे वडील अनेकल बलराज यांनी संतोष एंटरप्रायझेसच्या बॅनरखाली तयार केलेला हा चित्रपट होता. या चित्रपटाला प्रेक्षकांनी खूप पसंती दिली. ‘करिया २’ मध्ये अजय घोष, मयुरी क्याटारी, साधू कोकिला आणि नागेश कार्तिक यांनीही मुख्य भूमिका साकारल्या होत्या.

संतोषच्या लोकप्रिय चित्रपटांमध्ये २०१५ मध्ये प्रदर्शित झालेला ‘गणपा’ आणि २०२४ मध्ये नुकताच प्रदर्शित झालेला ‘सत्यम’ यांचा समावेश आहे. याशिवाय, तो सुमंत क्रांतीच्या ‘बर्कले’ चित्रपटातही दिसला, ज्यामध्ये चरण राज, सिमरन नाटेकर आणि राजा बलवाडी सारखे कलाकार होते.

हॉलिवूड रॅपर सोल्जा बॉयला अटक, बेकायदेशीर शस्त्रे बाळगल्याचा आरोप; याआधीही भोगला होता तुरुंगवास

गेल्या वर्षी वडिलांचे निधन झाले
संतोषचे वडील, प्रसिद्ध निर्माते अनेकल बलराज यांचेही गेल्या वर्षी बेंगळुरूमध्ये एका रस्ते अपघातात निधन झाले. ‘करिया’, ‘करिया २’ आणि ‘जॅकपॉट’ सारख्या चित्रपटांसाठी त्यांना आठवले जाते. संतोष त्याच्या आईसोबत राहत होता आणि त्याने कधीही लग्न केले नाही. आता अभिनेत्याच्या अकाली निधनाने त्याचे कुटुंब आणि इंडस्ट्रीतील लोक खूप दुःखी आहेत. आणि त्याला श्रद्धांजली वाहत आहेत.

कन्नड चित्रपटसृष्टीसाठी मोठे नुकसान
संतोष बलराजच्या निधनाने कन्नड चित्रपटसृष्टीने एका तरुण प्रतिभेला गमावले आहे. त्याच्या प्रतिभेमुळे आणि अभिनय कौशल्यामुळे त्याला लवकरच मोठी ओळख मिळाली. चाहते आणि चित्रपटसृष्टीतील लोक सोशल मीडियावर श्रद्धांजली वाहून त्यांचे स्मरण करत आहेत.

संबंधित बातम्या