फोटो सौजन्य - instagram
संजय कपूर यांचे जूनमध्ये झाले निधन
या वर्षी जूनमध्ये उद्योगपती संजय कपूर यांचे निधन झाले. वृत्तानुसार, पोलो सामन्यादरम्यान संजय यांना हृदयविकाराचा झटका आला. त्यांचे अंत्यसंस्कार दिल्लीत झाले. करिश्मा कपूरची ही भेट तिच्या एक्स पतीसोबत सुरू असलेल्या रिअल इस्टेट वादाच्या पार्श्वभूमीवर होत आहे. दिल्ली विमानतळावरून व्हायरल झालेल्या क्लिपमध्ये करिश्मा पुढे चालत असल्याचे आणि तिची मुले समायरा आणि कियान तिच्या मागे येत असल्याचे दिसून आले. ही क्लिप बॉलीवूड शादीने इन्स्टाग्रामवर शेअर केली आहे. हा व्हिडिओ आता सोशल मीडियावर व्हायरल होत आहे.
राजसोबत डिनर डेटवर दिसली समंथा रूथ प्रभू, पापाराझींवर का संपताला दिग्दर्शक? पाहा VIDEO
३० हजार कोटींच्या प्रॉपर्टीवरून सुरु झाला वाद
गेल्या महिन्यात लंडनमध्ये संजय कपूर यांच्या आकस्मिक निधनानंतर त्यांची आई राणी कपूर यांनी दावा केला होता की ती त्यांचे दिवंगत पती सुरिंदर कपूर यांची एकमेव वारस आहे. ३० जून २०१५ च्या मृत्युपत्राचा हवाला देत त्यांनी सांगितले की, ३० हजार कोटींच्या कंपनीचे बहुतेक शेअर्स त्यांच्या नावावर होते. त्यांनी असाही आरोप केला की, त्यांच्या मुलाच्या मृत्यूनंतर लगेचच त्यांच्यावर दबाव आणण्यात आला आणि काही कागदपत्रांवर स्वाक्षरी करण्यास भाग पाडण्यात आले. संजय कपूर यांच्या मृत्यूची घटना सामान्य नाही. २५ जुलै रोजी होणारी कंपनीची वार्षिक सर्वसाधारण सभा पुढे ढकलण्याची विनंतीही त्यांनी केली होती.
सोना कॉमस्टारच्या बोर्डाने आरोप फेटाळले
दरम्यान, ऑटो फर्म सोना कॉमस्टारने प्रत्युत्तर देत म्हटले आहे की राणी कपूर कंपनीत भागधारक नसल्याने त्यांना कंपनीच्या बाबींवर बोलण्याचा अधिकार नाही. कंपनीच्या वार्षिक सर्वसाधारण सभेत संजय कपूरची पत्नी प्रिया सचदेव यांची वार्षिक सर्वसाधारण सभेत संचालक म्हणून नियुक्ती करण्यात आली आहे. करिश्माशी घटस्फोट घेतल्यानंतर संजयने प्रियाशी लग्न केले. प्रियाचे नामांकन ऑरियस इन्व्हेस्टमेंट्स प्रायव्हेट लिमिटेडने प्रस्तावित केले होते, जे कॉर्पोरेट प्रमोटर आहे आणि कंपनीत २८.०२% हिस्सा आहे. सोना कॉमस्टारने असेही म्हटले आहे की संजयच्या मृत्यूनंतर राणी कपूरला कोणत्याही कागदपत्रावर स्वाक्षरी करण्यास सांगितले गेले नाही.
हा व्हिडिओ चर्चेत का आला?
प्रसिद्ध उद्योगपती आणि करिश्मा कपूर यांचे एक्स पती संजय कपूर यांच्या निधनानंतर त्यांच्या ३० हजार कोटींच्या मालमत्तेच्या मालकी हक्कावरून वाद निर्माण झाला आहे. हा वाद दिवंगत उद्योगपतीची आई राणी कपूर आणि त्यांची पत्नी प्रिया सचदेवा यांच्यात अडकलेला दिसतो आहे. दरम्यान, करिश्मा कपूरचा हा व्हिडिओ अनेक प्रश्न उपस्थित करत असल्याचे दिसून येत आहे. तसेच, अभिनेत्रीला तिचा दिवंगत एक्स पती संजय कपूर यांच्या मालमत्तेत कोणताही वाटा नको आहे.
.png "Videos"){kind=small}
