फोटो सौजन्य - Instagram
दक्षिणेतील अभिनेत्री समांथा रूथ प्रभू आणि चित्रपट दिग्दर्शक राज निदिमोरू यांना मुंबईतील एका रेस्टॉरंटमध्ये डिनर डेटवर एकत्र दिसले आहेत. दोघेही एकाच कारमधून रेस्टॉरंटमध्ये जेवणासाठी आले होते. पण जेव्हा पापाराझींनी दोघांनाही कॅमेऱ्यात एकत्र कैद करण्याचा प्रयत्न केला तेव्हा राज पापाराझीच्या या कृतीवर नाराज दिसत होता. आणि तो त्यांच्यावर संपतापलेला दिसत आहे. तसेच या दोघांचा व्हिडीओ आता सोशल मीडियावर व्हायरल होत आहे. ज्याला प्रेक्षकांचा चांगला प्रतिसाद येत आहे.
Bigg Boss 19 च्या घरात कोणते नवे स्पर्धक करणार एन्ट्री? स्पर्धकांची यादी आली समोर
राज आणि समांथा एकत्र दिसले
मुंबईत जेवणासाठी समांथा आणि राजला एकत्र पाहिल्यानंतर, पापाराझींनी त्यांना कॅमेऱ्यात कैद करण्याचा प्रयत्न करताच, राजच्या चेहऱ्यावरील भाव रागात बदलले. पापाराझीच्या या कृतीने राज संतप्त दिसत होता. यादरम्यान, समांथाने पांढरा-निळा पट्टेदार स्वेटर घातला होता आणि ती मेकअपशिवाय साध्या लूकमध्ये खूप सुंदर दिसत होती, तर राज हिरव्या रंगाचा जॅकेट आणि काळ्या टोपीमध्ये दिसला.
View this post on Instagram
व्हायरल व्हिडिओ
आता या दोघांचा हा व्हिडिओ सोशल मीडियावर व्हायरल होत आहे. तसेच, दोघांनीही त्यांच्या नात्याबद्दल कोणतेही अधिकृत विधान केलेले नाही. यापूर्वी समांथाने डेट्रॉईटचे राजसोबतचे फोटो सोशल मीडियावर शेअर केले होते, ज्यामुळे या दोघांच्या डेटिंगच्या अफवांना उधाण आले.
राज आणि समंथा यांच्याबद्दल
इंडिया टुडेमधील एका वृत्तानुसार, राजची एक्स पत्नी श्यामली डे हिने सोशल मीडियावर एक गूढ पोस्ट लिहिली, ज्यामध्ये तिने म्हटले आहे की “तुम्ही जे पेरता तेच कापता”, ज्याचा संबंध लोक या अफवांशी जोडत आहेत. सोशल मीडियावर राज आणि समंथा यांच्या नात्याबद्दल चर्चा होत आहे.
समंथाचे वर्कफ्रंट
समंथा आणि राज यांनी ‘द फॅमिली मॅन २’ आणि ‘सिटाडेल: हनी बनी’ सारख्या वेब सिरीजमध्ये एकत्र काम केले आहे. आता समंथा नेटफ्लिक्सच्या ‘रॅक्ट युनिव्हर्स: द ब्लडी किंगडम’ मध्ये काम करत आहे. मीडिया रिपोर्ट्सनुसार, दोघेही एकत्र प्रॉपर्टीकडे पाहत आहेत. सध्या समंथा किंवा राज दोघांनीही त्यांच्या नात्याबद्दल काहीही स्पष्टपणे सांगितलेले नाही.
